Serbski chór na wikach

Kulow. Wotměnjaty kulturny program přewodźa jutře, sobotu, wot 11 do 19 hodź. adwentne wiki w Kulowje. Tak wustupi w 14 hodź. Krabatowa zakładna šula. W samsnym času wozjewja nadawk, kotryž ma měšćanosta lětsa spjelnić. W 15.20 hodź. předstaji so dźěćacy chór katolskeje wosady. We 18 hodź. zanjese chór Bratrowstwa wujimki ze swojeho repertoirea. Krótko do 19 hodź. chcedźa zdźělić, hač je měšćanosta swój nadawk spjelnił.

Hólči chór w Smochćicach

Smochćicy. Drježdźanscy kapałnicy wuhotuja jutře w 19 hodź. adwentny koncert w Smochčanskim kubłanišću swj. Bena. Program pod hesłom „Macht hoch die Tür“ wopřijima nimo znatych hodownych spěwow chórowe twórby mjez druhim Georga Friiedricha Händela a Jana Dismasa Zelenki. Zastup płaći w předpředani 15 resp. potuńšeny 12 eurow. Hižo w 11 hodź. přeproša ćěleso „předewšěm za hudźbu zajimowanych hólcow w starobje sydom do dźesać lět“ na „wotewrjenu chórowu hodźinku“, w kotrejž móža so hosćo wo „žiwjenju a słužbje w chórje“ wobhonić.

Muzikanća z domjacej hru