Z kašporkom na časowu jězbu

Budyšin. We wobłuku aktualneje wosebiteje wustajeńcy „Budyšin fascinuje – měšćanske napohlady wot lěta 1900 do dźensnišeho“ předstaji Ulrich Schollmeyer jutře, sobotu, wosebite klankodźiwadło. „Budyšin – časowa jězba ze zadźěwkami“ rěka inscenacija, z kotrejž da muzejowy pedagoga kašporkej mjez druhim kamjentnu dobu, srjedźowěk a modernu wopytać, zo by w nadawku města „turizmej přisporjace fota sčinił“. Časowa mašina pak je chětro stara a hižo cyle tak dokładnje njedźěła ... Něhdźe hodźinu trajace předstajenje w Muzeju Budyšin započnje so w 15 hodź., zastup płaći 7 eurow resp. potuńšeny 2 euraj.

Musical za dźěći

Grodk. Krajnocyrkwinske zhromadźenstwo Grodk a tamniši gospelowy chór přeprošujetej na musical „Skónčnje něšto lós w Bethlehemje!“ Jutře, sobotu, móža sej zajimcy w 15.30 hodź. zjawnu generalku zadarmo wobhladać. Interaktiwnje koncipowany program je na přihladowarjow w starobje pjeć do 15 lět wusměrjeny.

Kulturne adwentne woknješka