Přednošk wo putnikowanju

Chrósćicy. „3 000 kilometrow w putniskim zbožu“ rěka kniha Kerstin Bodenoweje z Kamjenca, w kotrejž powěda awtorka wo „dyrdomdeju swojeho žiwjenja“. W lěće 2018 poda so pěši na 138 dnjow trajace putnikowanje z ródneho města hač do španiskeho Santiago de Compostela. Jutře, sobotu, chce zajimcam we wobłuku „11. kulturneje zymy“ Chróšćanskeje putniskeje hospody wurězki „live a z tójšto wobrazami“ předstajić. Prezentacija započnje so w 19.45 hodź., Hižo wot 16 hodź. pokazaja na zwučene wašnje serbskorěčne trikowe filmy za dźěći.

Předstajenje filma a rozmołwa

Budyšin. „Dobra stwa“ towarstwa Dźěłań dźeń na Budyskej Sukelnskej stanje so zajutřišim, njedźelu, z małym kinom. W 20 hodź. pokazaja tam film „Es kommt darauf an, das Hoffen zu lernen“. Loni premjernje předstajeny pask Mannheimskeje režiserki Annette Dorothea Weber wobswětluje „přesydlenske stawizny we łužiskim brunicowym rewěrje“. Po předstajenju „rady na prašenja publikuma“ wotmołwi. Zastup je darmotny, pjenježne dary pak njewotpokazaja.

Zahaja „Lessingowe akcenty“