Zahaja nowy festiwal

Budyšin. „Klasika w zymje“ rěka nowy festiwal komorneje hudźby, kotrež so dźensa w Budyskim Serbskim muzeju zahaji. W 19 hodź. předstaji dohromady šěsć mjezynarodnych hudźbnikow twórby mj. dr. Franza Schuberta, Antonína Dvořáka a prapremjernje Jana Cyža. Basnica Lenka skulojći program ze swójskej lyriku kaž tež z poeziju Miny Witkojc. Hač do 28. januara zaklinča nimo toho kompozicije na př. Mieczyslawa Weinberga, Necila Kazuma Aksesa a Johannesa Brahmsa. Zastup za cyły kónc tydźenja płaći 50 resp. potuńšeny 35 eurow.

Dwójce Sitte w Kamjencu

Kamjenc. Pod hesłom „2 x Sitte“ přeproša město Kamjenc na čitanje do tamnišeho měšćanskeho dźiwadła. Awtoraj Reinhard Kärbsch a Aron Boks předstajitaj swojej knize „Über Kunst, Katzen und Keramik“ resp. „Nackt in der DDR“. Wotměnjejo chcetej žiwjeni a poćah Rudolfa a Willija Sitte wobswětlować. Moderaciju wukonja prof. dr. Karl-Siegbert Rehberg z Techniskeje uniwersity Drježdźany. Zarjadowanje započnje so w 19 hodź., zastup při wječornej kasy płaći 16 eurow.

Kulturna zyma pokročuje