Marko Šiman 30. króć politisku popjelnu srjedu wuhotował

Bautzen (SN/mb/MiP). Norbert Lammert, předsyda Konrada Adenaueroweje załožby a něhdyši prezident zwjazkoweho sejma, běše wčera w połnje wobsadźenej měšćanskej hali „Króna“ jubilejny rěčnik. Marko Šiman, zapósłanc CDU w krajnym sejmje wot 1990, je 30. króć na politisku popjelnu srjedu přeprosył. W Röhrscheidtowej bašće Serbskeho ludoweho ansambla su so třeći raz na přeprošenje Budyskeje Lěwicy popjelnu srjedu schadźowali. Najprominentniši hósć lětsa běše Walter Baier, předsyda europskeje Lěwicy z Awstriskeje.