Serbska rejowanska skupina Smjerdźaca 60lětne wobstaće woswjećiła

Chrósćicy (SN/lmc/MG). Narodniny w Serbach přewšo rady swěćimy, tež tajke towarstwow. Na runje tajki jubilej bě zašłu sobotu Serbska rejowanska skupina ze Smjerdźaceje do Chróšćanskeje „Jednoty“ přeprosyła. 60. róčnicu załoženja woswjeći něhdźe 80 aktiwnych rejowarkow a rejowarjow zhromadnje z wulkej šwitu hosći. Hač na nimale poslednje městno bě hala wupředata. Mjez něhdźe 400 hosćemi, kotřiž běchu přichwatali, bě nimo něhdyšich rejowarjow tež tójšto přiwuznych a přećelow akterow, kotřiž na jewišću něhdźe dwě a poł hodźiny dołho deski zhibowachu.