Załožićeljo EU wuradźowali
Wuradźuja wo migrantach
Turkowska da dźesaćitysacam ćěkancam na hranicy čakać
Brüssel/Istanbul (dpa/K/SN). Na wysokich runinach je migraciska kriza dźensa w belgiskej stolicy předmjet wuradźowanjow. Zakitowanscy ministrojo NATO zaběraja so z wójnu w Syriskej a napjatosćemi z Ruskej. Komisija EU bilancuje wobchadźenje z ćěkancami.
Na zeńdźenju zakitowanskich ministrow stej Němska a Turkowska swojich zwjazkarjow k tomu namołwiłoj, na wuchodnym Srjedźnym morju wobdźělić so na boju přećiwo cwólbam pašowarjow ludźi. USA su ze swojeje strony NATO prosyli, podpěrać mjezynarodnu koaliciju w boju přećiwo teroristiskej milicy Islamski stat (IS). Po wudawanju generalneho sekretara NATO Jensa Stoltenberga rozwažuja tuchwilu wo tym, Američanam přewostajić specialne mašiny Awacs. USA móhli potom swoje Awacsy sylnišo w Syriskej a Iraku zasadźeć. Za wěste ma so, zo zakitowanscy ministrojo na swojim dwudnjowskim schadźowanju wuhibki staja za hišće sylnišu prezencu NATO na wuchodnej Europje. Z tym ma so wuchodnym zwjazkarjam spjelnić přeće, za wottrašenje Ruskeje měć wjace móžnosćow.
Njeliča z dalšimi woporami
Starobna struktura politiskich stron
| 14-25 | 26-40 | 41-60 | 61- | |
| CDU | 2,7% | 13,1% | 32,2% | 49,9% |
| SPD | 3,6% | 11,3% | 34,7% | 49,5% |
| CSU | 1,5% | 12,7% | 27,7%÷ | 47,1% |
| FDP | 4,8% | 21,3% | 36,4% | 36,7% |
| Zeleni | 7,3% | 24,1% | 51,7% | 15,7% |
| Lěwica | 5,0% | 12,1% | 31,9% | 50,9% |
To a tamne (10.02.16)
Cyły lěs pokradnyli su njeznaći w sewjernej Braniborskej. Něhdźe wosom hektarow chójnoweho lěsa pola města Premnitz su skućićeljo dospołnje podrězali, policija zdźěli. Štomy běchu mjez sto a 120 lětami stare a hač do 30 metrow wysoke. Z wida policije bě padustwo profesionelnje přihotowane, wšako wužiwachu skućićeljo ćežku techniku k pušćenju a wosebite nakładne awta k wottransportowanju. Hač do 2 000 štomow so na tele wašnje zhubi. Wobsedźerka je škodu hakle nětko zwěsćiła. Paduši běchu drje wot spočatka decembra w lěsu „dźěłali“.
Z 3,55 promilemi alkohola w kreji je kolesowar w Königs Wusterhausenje padnył a so při tym zranił, policija zdźěla. Spočatnje tukachu na wobchadne nje- zbožo. Muža dowjezechu do chorownje, wšako hrožeše zajědojćenje z alkoholom.
Łužica (10.02.16)
Prawicarski plakat při šuli
Gubin (dpa/ch/SN). Njeznaći su njedaloko šule w Gubinje plakat z prawicarskim wobsahom přičinili. Kriminalna policija přepytuje, zdźěli wčera policajski rěčnik. Tohorunja so pruwuje, hač njewobsteji zwisk k staršim podawkam. Loni w lěću běchu njeznaći pječa wokoło šule w Elsterwerdźe flajery z prawicarskoekstremnymi parolemi rozdźělili. Stajnje znowa bě scena tež kostim figury „Krümelmonster“ ze „Sesamstraße“ zasadźowała, zo by mjez dźěćimi za prawicarsko ekstremne ideologije wabiła. Gubinska šula chce so na cyłozwjazkowym projekće přećiwo rasizmej wobdźělić.
Wohnjowy wobornik zasudźeny
Pomocnicy na městnje njezboža njedaloko hornjobayerskeho Bad ...
Zražka ćahow – dźewjeć mortwych
Gabriel: Kóždy pad pruwować
Statysacy ćěkaja před bojemi wo Aleppo
Berlin/Ankara (dpa/K/SN). Předsyda SPD Sigmar Gabriel w kotrowersnej naležnosći, hač měli starši mjenjelětnych ćěkancow do Němskeje přińć, nětko namjetuje, rjadować kóždy pad za sebje. „Nadźijam so, zo móžemy kolegow z CDU wo tym přeswědčić, zo dyrbi so na kóncu čłowjesce rozsudźić, z lubosće k blišemu a zamołwiće“, rjekny wicekancler w Hamburgu. Njerjadowany přićah staršich wón wotpokazuje. „Afghaniske instancy praja, ,hdyž wy zjawnje poskićiće, zo smědźa swójbni njepřewodźanych mjenjelětnych za nimi přićahnyć, potom mnozy starši swoje dźěći na cyle strašne pućowanje pósćelu.‘“ We wonej wadźeńcy dźe wo to, hač měł tež za njepřewodźane dźěći a młodostnych přićah swójbnych na dwě lěće suspendowany być. Knježerstwo bě wotpowědny naćisk zakonja bjez dorěčenja z Gabrielom schwaliło.
