Nadźije z doby přewróta steja k dispoziciji Zhladowanje na lěta politiskeho přewróta – 26
„Znowazjednoćenje Němskeje – són a woprawdźitosć“ rěka kapsna kniha z pjera Waltera Leonharda. Rodźeny Durinčan je 40 lět we Wětrowskej šamotowni dźěłał. Serbske Nowiny wozjewjeja jeho trochu wudospołnjene, wot Arnda Zoby a Friedharda Krawca z přećelnej dowolnosću nakładnistwa DeBehr zeserbšćene dopomnjenki.
Wšitcy migranća maja wobstejace zakonje, wašnja a tradicije respektować. Najskerje je zmysłapołne, z toho wuchadźeć, migrantow wukubłać z opciju, zo móža so do domizny nawróćić. W dalšim je hranica přijimowanja komunalneho cyłka docpěta, hdyž je čas rozsudźenja próstwy wo azyl nastupajo njeznjesliwje dołhi, hdyž wukubłanske a dźěłowe městna pobrachuja, hdyž financy zaručene njejsu abo hdyž je samo prawniski stat přežadany. Jenički kompleks, zawěsćić dźěło za wšitkich, wujasnja, kajke hoberske problemy maja so zmištrować. Trěbne su přeswědčiwe koncepty, kotrež pak dotal žana strona nima.
QuizSerb jeho dotal najwjetši projekt
Student hospodarskeje informatiki Syman Sćapan dźěła na wšelakore wašnje na polu digitalizacije serbskeje rěče
Hustohdy rozprawjeja w medijach wo wosobach, kotrež so zjawnje před kameru stupja, kaž smy to lětsa koronapandemije dla tež w Serbach w najwšelakorišich widejach a přinoškach dožiwili. Kohož pak wobhladowarjo při tym widźeć njemóža, je čłowjek, kiž za kameru steji a zjawne spřistupnjenje wobrazow scyła zmóžnja. Mjeno Michała Cyža, nawody Budyskeho studija Sakskeho spěchowanskeho a wupruwowanskeho kanala, je drje mnohim Serbam znate. Zo pak njemóže wón samo kóždy serbski kulturny wjeršk nahrawać a w najlěpšim padźe hišće jako livestream na Youtube wusyłać, tež to je wočiwidne. Zo to njedźiwajcy toho zwjetša wšitko derje funguje, zaleži na mjeztym derje dźěłacym teamje, kiž je w běhu lět w Serbach nastał a kotryž je mjeztym wšudźe tam pódla, hdźež dyrbja z komplikowanej techniku wobchadźeć. Jedyn čłon tohole cyłka je Syman Sćapan.
Hana Bejmina čas žiwjenja wědu wo Wojerowskej serbskej drasće ...
Kaž druhdźe lětsa tež we Wojerecach žane adwentne wiki njeběchu. Wosebje dźěći to wobžarowachu, zo njemóžeše je tam kaž hewak dźěćatko wobdarić a pomajkać. Dotal 28 lět je Wojerowske dźěćatko na tamnišich adwentnych wikach wopytowarjow zwjeselało a k rjanej dohodownej atmosferje přinošowało, runočasnje na to skedźbnjejo, kak běchu ewangelscy Wojerowscy Serbja něhdy hody swjećili. Ideju za to měještej a stej ju tež zwoprawdźiłoj Kirsten Bejmina ze swojej tehdy 72lětnej wowku Hanu.
Dźěćiznak přeproša lětsa swojich čitarjow na jónkrótne ...
Pječene jabłuko
Chceš swoju maćerku hody w kuchni podpěrać a dessert přihotować? Pječene jabłuko je jednore a so kóždemu radźi. Wuspytaj to!
Přidawki za štyri porcije:
125 gramow bruneho cokora
250 gramow butry
8 jabłukow
8 pomazkow běłeho chlěba
citronowa brěčka
200 gramow sykanych worjechow
Cyłkownje trjebaš za přihot a pječenje 85 mjeńšin.
Wukałaj jadrownik jabłukow. Tam hdźež hižo žana bělizka njeje, pomazaj jabłuka z citronowej brěčku. Tak so brune njebarbja.
Nakraj běły chlěb na małe kuski a połož je do pječenskeho sudobja, kotrež maš do toho z butru pomazać. Na kuski chlěba staj jabłuka.
Změšej cokor z butru a worjechami a pjelń z nimi jabłuka. W zwohrětej pjecy jabłuka při 150 stopnjach něhdźe jednu hodźinu pječ.
K pječenym jabłukam so jara derje waniljowy lód hodźi!
Dajće sej słodźeć!
Škórń chłóšćenkow
Šulerjo, šulerki, ale tež wučerki a wučer Chróšćanskeje šule „Jurij Chěžka“ su so nad rjanej překwapjenku zwjeselili. Swjaty Mikławš bě jimi škórń połny chłóšćenkow a jabłučkow zawostajił. Foto: Anja Nowakowa
Zajimawy to čas krótko do hód
Šulerjow překwapił
Dźens tydźenja bě posledni dźeń do hód, hdźež mějachu wšitke rjadownje Krabatoweje zakładneje šule Kulow poprawnu wučbu na městnje. Wosrjedź hodźiny słyšachu dźěći nadobo konje ze zwónčkami. Rumpodich běše z korejtu do šule přijěł. Spěšnje chwatachu wone na dwór. Kóžda rjadownja dósta wulku titu ze šokolodźanymi rumpodichami. To běše rjana překwapjenka. Foće: Lubina Dučmanowa
„W Serbach rady dźěłam“
Wučer Jan Breindl so tež na hudźbnym polu angažuje
Přeprěčiš-li za rudnohórskim Oberwiesenthalom mjezu do směra na Karlovy Vary a jědźeš-li dale přez Boží Dar a Jáchymov, sy spěšnje w Ostrovje, domiznje Jana Breindla. Přez swoje wobšěrne wuwučowanske a hudźbne aktiwity je 40lětny w serbskich kruhach mjeztym dosć derje znaty a rady widźany. Za pochadom jeho swójbneho mjena prašany wón měni, zo pochadźachu prjedownicy nana z awstriskich kónčin a přesydlichu so do Prěnjeje swětoweje wójny do Sudetskeje. Tak wotrosće wón w čěskej swójbje. Zwotkel pak ma tajke wobšěrne znajomosće němčiny? Breindl chodźeše lěto w Schwarzenbergu na gymnazij, kiž je tež za šulerjow z Čěskeje přistupny.
Studij w Čěskej a dźěło we wukraju
Z KAMERU PO CYŁEJ ŁUŽICY A DO SWĚTA 6. dźěl
Pod nadpismom „Z kameru po Łužicy a do swěta won“ wěnuje so w seriji Serbskich Nowin dr. Toni Bruk stawiznam serbskeho filma. Mjez druhim rozprawja wón w swojich wuwjedźenjach wo wosebitosćach a njewšědnosćach před a za kameru kaž tež wo wuwiću serbskeho filma hač do přitomnosće.
Fenomen Beethoven
K 250. narodninam mištra Wienskeje klasiki
Lětsa w decembru spominamy na 250ćiny jednoho z najwažnišich zastupjerjow tak mjenowaneje Wienskeje klasiki, wuznamneho hudźbnika Ludwiga van Beethovena. Jeho tworjenje měješe wusahowacy wliw na dźěło pozdźišich generacijow komponistow a docyła na stawizny europskeje hudźby po nim. To płaći powšitkownje na te abo tamne wašnje tež za wuwiće wjacorych serbskich komponistow zašłosće a přitomnosće, kotřiž su so rozdźělnje intensiwnje z fenomenom Beethoven rozestajeli.
