Hižo póndźelu, 24. julija, nastaji so wjac hač 80 serbskich katolskich młodostnych na daloki puć do Lissabona na swětowe młodźinske

zetkanje. Něšto dnjow přebywachu woni na sewjeru Portugalskeje,

w rjanym měsće ­Porto. To běše tajke něšto kaž předzetkanje z wjac

hač 40 000 dalšimi młodymi wěriwymi ze wšeho swěta. Mjez druhim swjećachu tam mjezynarodne Bože mšě – tež z biskopom. Z instrumentami a chó­rom su samo tu abo tamnu swjatočnosć sobu wobrubili. Ale tež wulěty, na přikład wopyt w rjanym zwěrjencu města abo sightseeing z kapłanom Florianom Mrózom, stejachu na planje. Nalada wšitkich holcow a hólcow ze serbskeje Łužicy bě a je ­dotal wulkotna. Wšědnje so mócnje spěwa, modli, rejuje, a tak nastawa tójšto ­kontatkow k tamnym młodym wěriwym z druhich krajow.

Mjeztym su Serbja, kiž podachu so zhromadnje z dalšimi ­młodostnymi z Drježdźansko-Mišnjanskeho a Zhorjelskeho ­

biskopstwa do Portugalskeje, w Lissabonje. Tam mjenujcy wobdźěleja so wot wutory na swětowym młodźinskim zetka-­

Měnjenja

Pia Šnajdrec je prěni króć scyła měnjenja za Młodźinu zběrała a so wopytowarjow lětušeho folklorneho festiwala prašała: Čehodla sy poprawom sem přijěł/a, a što je wosebite na festiwal.

Alina Šnajdrec pochadźa ze Žuric a rjekny: Sym do Chrósćic přijěła, dokelž zabawa na dworach wjeselo wobradźa. Sym tu swojich přećelow zetkała. A festiwal je cyle jednorje rjany spočatk prózdnin.

Leni Hejduškec z Hórkow jej do mikrofona praji: Mi je so na festiwalu wosebje sobotny wječor w Chrósćicach lubił. Chcych cyle jednorje zabawu měć. Moji přećeljo tam tež běchu. Tam bě tajka ­super hudźba, a sym zajimawych rejowarjow a wjesołe rejowarki widźała.

W Baskiskej so zastupjerjo europskich dźenikow mjeńšinowych a regionalnych rěčow schadźowali

Wulězeš-li w španiskim měsće Donostia z busa, napadnu ći hnydom wjacore podobnosće ze „stolicu Serbow“. Tež w Donostiji su nadróžne taflički dwurěčne a tež zda so hewak, jako by Donostia, kotraž rěka španisce San Sebastian, Budyšinej jara bliska była. We měsće mjenujcy bydli tohorunja mjeńšina, kotraž so wote zbytka Španičankow a Španičanow chětro rozeznawa: Baskojo a Baskowki.

Runje w tutym měsće wotmě so lětuša hłowna zhromadźizna europskeho zwjazka dźenikow w mjeńšinowych a regionalnych rěčach, skrótka MIDAS. Organizacija eksistuje hižo z lěta 2001 a ma dźensa 27 sobustawskich dźenikow w 10 krajach. Zaměr zjednoćenstwa wobsteji w tym, mjeńšinowym dźenikam lobby skićić a je w jich prócowanjach sylnić a zwjazować. Tute cile zwoprawdźeja sobustawske nowiny w lětnych zhromadźiznach a w tak mjenowanym „content exchange program“, potajkim w syći, w kotrejž sebi wobdźěleni žurnalisća dźenikow artikle wuměnjeja a tak w druhich krajach wo swojich temach informuja.