Pokiwy (29.11.16)
Posledni lětuši „kofej“
Budyšin. „Postrow ze Serbow“ – Serbske motiwy na historiskich fotach a pohladnicach“ je tema lětušeho poslednjeho „Kofeja w třoch“, kotryž wotměje so jutře, 30. nowembra, w 15 hodź. w Budyskim Serbskim muzeju. Tam nawjazaja na wobsah tučasneje wosebiteje wustajeńcy „Wotmolowane“. Přednošuje kuratorka Andrea Pawlikowa. Wopytowarjo smědźa rady tež swójske pohladnicy abo historiske fotografije ze serbskimi motiwami sobu přinjesć. Wšitcy zajimcy su wutrobnje přeprošeni.
Na Maćičnu akademiju
Budyšin. Stawizniska sekcija Maćicy Serbskeje přeproša štwórtk, 1. decembra, w 19.30 hodź. do Budyskeho hosćenca „Wjelbik“. Přednošuje stawiznar a wědomostny sobudźěłaćer Serbskeho instituta Friedrich Pollack na temu „Serbscy studenća we 18. lětstotku. Přinošk k (něhdźe) 300. jubilejej Serbskeho prědarskeho towarstwa w Lipsku“. Přednošk budźe w němskej rěči, zastup je darmotny.
Pytataj za rěčnymi pokładami
Pokiwy (25.11.16)
Hodowne wiki w „Slaviji“
Radwor. Pod hesłom „Hody so bliža, wšitcy to widźa“ přihotowachu so šulerjo a wučerjo Radworskeje Serbskeje wyšeje šule „Dr. Marja Grólmusec“ w běhu tydźenja na swoje 10. hodowne wiki. Sobotu a njedźelu, 26. a 27. nowembra, stajnje wot 14 do 18 hodź. wotměja so wone we wjacezaměrowej hali „Slavia“ w Radworju. Šulerjo poskića nimo rjanych samozhotowjenych hodownych paslenkow a mnohich překwapjenkow tež swójski musical a słódne přikuski. Rjane adwentne wěncy budu tohorunja na předań.
Hudźbnje do adwenta
Budyšin. Spěwy a motety starych a nowych komponistow zaklinča sobotu, 26. nowembra, w 19 hodź. w Budyskej cyrkwi Našeje lubeje knjenje. Program wuhotuje Drježdźanski muski ansambl Voxakkord, wobstejacy z něhdyšich kapałnikow. Wšitcy su na hudźbnu chłóšćenku jako zazběh do adwenta wutrobnje přeprošeni.
Dopominaja na kantora
Jutře wječor změje kruch „Wir sind keine Barbaren“ premjeru w ...
Protyka (25.11.16)
Pjatk 25.11. 19:30 Přednošk w Njebjelčanskej „Bjesadźe“ wo arabskej a islamskej kultura w Němskej
Sobotu 26.11. 9:00 Adwentne paslenje na Ladušec burskim statoku w Chrjebi
10:00 Adwentne wiki w Njeswačidle
14:00 Adwentne wiki Radworskeje wyšeje šule
14:00 Adwentne wiki w Brětni-Michałkach
15:00 Adwentne popołdnjo w Konječanskim towarstwowym domje „Delany“
16:00 Doadwentne čitanje Ludoweho nakładnistwa Domowina a Domowinskeje skupiny Ćisk z Jurjom Kochom w Ćišćanskej wohnjowej woborje
19:00 33. schadowanka w kafeteriji Choćebuskeho Delnjoserbskeho gymnazija
19:45 Přednošk Aleksandera Nuka „El camino. 800 km prěki přez Španisku. Wot Pamplony hač do Santiaga de Compostela a dale do Finisterre, na kónc swěta ....“ w Chróšćanskej putniskej hospodźe
Njedźelu 27.11. 10:00 Adwentne wiki na Rěčičanskim Erlichtec statoku
14:00 Prěni adwent na Trjebinskim Šusterec statoku z pječenjom poprjancow
14:00 Adwentne wiki w Radworskej „Slaviji“
14:00 Adwentne wiki w Njebjelčicach
14:30 Wotewrjenje hodowneje wustajeńcy we Łazowskim Domje Zejlerja a Smolerja
15:00 Adwentnička seniorow w Sulšečanskim kulturnym domje
15:00 Adwentne spěwanje w Dešnjanskej cyrkwi
Rozhłós (25.11.16)
Njedźelu, hornjoserbsce
11:00 Łužica tutón tydźeń, mjez druhim wo SŠT, Domowinje a šulskim zakonju
11:20 Brunica a spěchowanje Serbow
11:45 Adwentne woknješko
12:00 Nabožne wusyłanje
(Jadwiga Malinkowa)
po tym zbožopřeća
delnjoserbsce
12:30 Aktualny magacin, mjez druhim wo „hłownej“ spěchowanskeho towarstwa za serbsku rěč w cyrkwi
13:00 Literarna kermuša w Drjenowje
13:30 Nabožne wusyłanje
(Christiana Piniekowa)
po tym zbožopřeća
Wobrazy a hudźba
Do kina (24.11.16)
24.11.–30.11.2016 Budyski filmowy palast: Tini: Violettas Zukunft: štw, so a pó 15:00 Arrival: wšědnje 17:15 (nimo pó) a 19:30 | pó 17:00 | pj a so 22:15 Robbi, Tobbi und das Fliewatüüt: nj 15:00 AdventsKino: nj 10:30 a 13:00 Phantastische Tierwesen: wšědnje 14:00 | nj 10:30 Willkommen bei den Hartmanns: wšědnje 17:15 a 20:00 | štw a pó 14:30 | pj a so 22:30 Pettersson und Findus: wšědnje 15:15 (nimo štw a pó) | nj 10:30 a 13:15 Phantastische Tierwesen w 3 D: wšědnje 16:45 a 19:30 | pj a so 22:00 Jack Reacher: wšědnje 19:45 (nimo pó) Trolls: pj, so, wu a srj: 14:15 Trolls w 3 D: štw, so, nj a wu 17:00 | nj 10:30 Störche – Abenteuer im Anflug: nj 12:15 Bridget Jones’s Baby: pj 17:00 Findet Dorie: pj, nj, wu a srj 15:00 Findet Dorie w 3 D: nj 12:30 | štw a pó 14:45 Doctor Strange w 3 D: pj a so 22:30 Das kalte Herz: srj 17:00
Kino-ekstra: Vor der Morgenröte: pó 17:15 a 20:15
Pokiwy (23.11.16)
Knižna premjera
Budyšin. „Die dörfer unter wasser sind in deinem kopf beredt“ rěka kniha z basnjemi Róže Domašcyneje, kotraž změje štwórtk, 24. nowembra, w 19.30 hodź. premjeru w Budyskej Smolerjec kniharni. Knihu wudali su Jayne-Ann Igel, Jan Kuhbrodt a Ralph Lindner w Lipšćanskim nakładnistwje Poetenladen. Nimo awtorki budźe jutře tohorunja překwapjenski hósć pódla. Wšitcy zajimcy su přeprošeni.
Terminy za protyku zapodać
Budyšin. Štóž ma nětko hižo terminy za swjedźenje a zarjadowanja, kotrež njeměli młodostni klětu skomdźić, njech je socialnej dźěłaćerce Rěčneho centruma WITAJ Francisce Zopic ( / 0170-1559925) abo Serbskemu młodźinskemu towarstwu Pawk () zapoda. Zhromadnje z kubłanskej referentku Domowiny Rejzku Wałdźic chcedźa za lěto 2017 zaso woblubowanu nasćěnowu protyku wudać a na přikład młodźinskim klubam a dalšim zajimcam přewostajić. Terminy zběraja hač do kónca nowembra.
Přednošuje senioram
Pokiwaj (22.11.16)
Wo identiće a sydlenskim rumje
Budyšin. W Budyskim Serbskim instituće přednošuje dr. Lutz Laschewski z Rostockskeje uniwersity jutře, 23. nowembra, w 14 hodź. na temu „Kulturna identita a rum. Konstituowanje serbskeho sydlenskeho ruma jako socialny proces“. Přednošk je wěnowany prašenjam, nastawacym we wobłuku politiskeho planowanja we Łužicy. Tak póńdźe wo postajenje serbskeho sydlenskeho ruma kaž tež wo wopisanje naprawow, kotrež maja wobchowanju a spěchowanju serbskeje kultury słužić. Dalše prašenje je, kak hodźi so powšitkowna towaršnostna „wužitnosć“ serbskeje kultury za cyły region spěchować. Přednošowar rozjimuje tele prašenja před pozadkom powšitkownych towaršnostnych trendow. Zarjadowanje je zjawne a budźe w němskej rěči. Dr. Laschewski wuči zdobom wo socialnowědomostnych prašenjach wobswěta na BTU w Choćebuzu.
Socialne poradźowanje
Pokiwy (18.11.16)
Zakónčenje Lěta smilnosće
Róžant. Na swjedźenju Chrysta Krala njedźelu, 20. nowembra, w 15 hodź. je w Róžeńčanskej swjatnicy nyšpor k zakónčenju Lěta smilnosće. Wšitcy młodostni a wěriwi ze swojimi swójbami su wutrobnje přeprošeni. Serbska dekanatna młodźina nyšpor wuhotuje a přeprošuje po tym wšěch na zhromadnu swačinu.
Knižna premjera
Budyšin. „Die dörfer unter wasser sind in deinem kopf beredt“ rěka kniha z basnjemi Róže Domašcyneje, kotraž změje štwórtk, 24. nowembra, w 19.30 hodź. premjeru w Budyskej Smolerjec kniharni. Knihu wudali su Jayne-Ann Igel, Jan Kuhbrodt a Ralph Lindner w Lipšćanskim nakładnistwje Poetenladen Verlag. Nimo awtorki so na tymle wječoru tohorunja překwapjenski hósć wobdźěli. Wšitcy zajimcy su tuž wutrobnje přeprošeni.
Do dźěłarnje za zbrašenych
