Lipsk (SN/CoR). Lipšćanski wobydlerski komitej přeproša jutře, 24. měrca, w 16 hodź. do wopomnišća Museum in der Runden Ecke am Dittrichring 24. Tam předstaji historikar dr. Timo Meškank w rozmołwje ze sakskim krajnym społnomócnjenym za podłožki stasi bywšeje NDR Lutz Rathenow knihu „Sorben im Blick der Staatssicherheit“.

Jutře, pjatk, w 20 hodź. wobdźěli so basnica Róža Domašcyna­ ze zběrku „Die dörfer­ unter wasser sind in deinem kopf beredt“ na čitanju­ njewot­wisnych nakładnistwow w kofejowni hrajnišća Lin­denfels Westflügel na Hähnelowej dróze 27.

Sobotu, 25. měrca, w 13 hodź. prezentujetaj LND a wudawaćel Jürgen Maćij zwjazkaj historiskich fotografijow z Hornjeje a Delnjeje Łužicy „Wotmolowane“, a to na forumje za wěcne knihi w hali 3, stejnišćo E201. Zarjadowanje moderěrować budźe kulturny historikar prof. dr. Bernd Lindner.

Sobotu wot 20.15 hodź. wobdźěla so mjez druhim Róža Domašcyna, Hanka Šołćic a Milan Hrabal na Lipšćanskej nocy přełožowarjow, kotraž budźe w nakładnistwje Leipziger Literaturverlag na Brockhausowej 56.

23.3.2017–29.3.2017 Budyski filmowy palast: Life wšědnje 18:15 a 20:30 | pj a so 22:45 Power Rangers: wšědnje 14:30 (nimo štw), 17:15 a 20:00 The Boss Baby w 3 D: nj 15:00 Kong – Skull Island w 3 D: pj, nj, wu a srj 19:45 | so 17:00 a 22:30 Die Schöne und das Biest w 3 D: wšědnje 14:15 (nimo štw a srj), 17:00 (nimo srj) a 20:00 (nimo štw a pj) | srj 14:45 a 17:15 | štw a pj 19:45 | pj 22:30 | so 22:45 La La Land: pj 15:45 Logan – The Wolverine: pj a so 22:30 Fifty Shades of Grey: wšědnje 17:00 (nimo so a pó) | so 19:45 Bibi & Tina: so 12:00 | pj a srj 14:30 | štw, so, nj a srj 16:00 Kundschafter des Friedens: pj 13:45 | wu 16:15 Mein Blind Date mit dem Leben: pó 16:00 Vaiana: nj 12:00 | so a wu 14:30 The LEGO Batman Movie: so, nj, wu a srj 13:34 Bob, der Streuner: pó 13:45 Sing: nj 12:15 Wendy: nj 12:00

Kino-ekstra: Gemeinsam wohnt man besser:­ pó 14:30, 17:15 a 20:15

Wojerowski CineMotion: Life wšědnje 17:25 a 19:45 | pj 22:30 | so 22:25 The Boss Baby: nj 15:45 Die Schöne und das Biest w 3 D: wšědnje 15:10, 17:15 (nimo štw) a 20:00 (nimo štw) | štw 17:35 a 20:15 | pj 22:15 | so 22:30 Die Schöne und das Biest: wšědnje 14:50 (nimo štw) a 17:30 (nimo štw a srj) | štw 14:15 a 16:55 Frühstück bei Monsieur Henri: srj 10:00 Madame Christine & ihre unerwarteten Gäste: srj 17:30 Die Häschenschule: wšědnje 15:45 | so 12:05 | nj 12:15 Kong – Skull Island w 3 D: wšědnje 17:50 a 20:10 Kong – Skull Island:­ pj a so 22:40 Logan – The Wolverine: pj a so 22:35 Bibi & Tina: wšědnje 15:20 | pj a so 12:40 Fifty Shades of Grey: pj, pó, wu a srj 19:45 | nj 20:05 The LEGO Batman Movie: so a nj 13:00

Wo połoženju strowotnistwa

Wojerecy. Z přičinami pobrachowacych lěkarjow a hladanskeho personala w starownjach kaž tež w ambulantnej słužbje zaběra so zetkanje Wojerowskeho měšćanskeho zwjazka Lěwicy pjatk, 24. měrca, w 17 hodź. w tamnišim běrowje strony na Bonhoefferowej 4. Hromadźe ze zapósłanču zwjazkoweho sejma Birgit Wöllert (Lěwica) chcedźa rozłožić, što ma so w tymle wobłuku polěpšić a kotre wuměnjenja maja so w strowotniskim systemje wutworić.

Předstaji knihu w synagoze

Zhorjelc. Loni nazymu je w nakładnistwje Rowohlt wušła kniha Gerharda Spörla „Es muss noch etwas anderes geben als Angst und Sorge und Herrn Hitler“. Wjelelětny redaktor magacina Der Spiegel wopisuje w knize wosud Zhorjelskeju dźěda a wowki swojeje mandźelskeje Patricije. Wona a jeje nan budźetaj přitomnaj, hdyž awtor zajutřišim, pjatk, w 19 hodź. nowostku w Zhorjelskej synagoze předstaji. Wšitcy zajimcy su wutrobnje přeprošeni.

Křesćan Krawc čita

Wječorne modlenje młodźiny

Njebjelčicy. Byrnjež kubłanske dny w Schmiedebergu byli, přeproša dekanatne dušepastyrstwo wšitkich serbskich młodostnych doma we Łužicy na vesper. Wječorne modlenje je sobotu w 20 hodź. w Njebjelčicach.

Přehladka orchidejow

Slepo. Kaž kóžde lěto budźe tež lětsa na žurli Slepjanskeho Serbskeho kulturneho centruma jutře a njedźelu wot 10 do 17 hodź. přehladka orchidejow a kaktejow. Tójšto nowoplahowanjow z Němskeje a dalšich krajow móža sej zajimcy wězo tež kupić. Wustajerjo poskićeja, zo móža sej ludźo sobu přinjesene orchidejowe rostliny přesadźić dać.

Bazar dźěćaceje drasty

Wojerecy. We Wojerowskej karate-hali na Stauffenbergskej přewjedu jutře wot 9 do 12 hodź. bazar dźěćaceje drasty. Nimo­ drasty poskića tam tež dźěćace wozyčki, rolery, hrajki a podobne wěcy. Katolski dźěćacy dom swj. Hilžbjety so na bohaty wopyt a wulki zajim wjeseli.

Muzej wočakuje hosći