Pokiwy (23.09.22)
Rědka kantata a nowe pišćele
Ochranow. Towarstwo Srjedźoněmska barokna hudźba w Sakskej, Saksko-Anhaltskej a Durinskej zarjaduje swój dwudnjowski koncertowy rjad „Barock.Musik.Fest.“ lětsa w Ochranowje. Jutře, sobotu, zahaja jón z wodźenjemi mjez druhim po tamnišim ludowědnym muzeju a po měsće. W 16 hodź. slědujetej pod hesłom „Concert lecture“ na cyrkwinej žurli Ochranowskeje bratrowskeje wosady zawodny přednošk a prezentacija „Herrnhaagoweje kantaty“ Philippa Heinricha Molthera. Pod nawodom Petera Koppa zahudźi cyłk Vocal Concert Dresden, solistaj budźetaj sopranistka Anne Stadler a bariton Clemens Heidrich. W 17.45 hodź. chce kantor Alexander Rönsch na samsnym městnje „mišterski wutwor pišćeletwarca Eule“ z cyle nowymi, tak mjenowanymi Tannenbergowymi registrami předstajić. W 19 hodź. přizamknje so „Spěwny wječor“. Zarjadowanje wuklinči zajutřišim, njedźelu, wot 9.30 hodź. z prědowanjom, pišćelowej hudźbu a „cyrkwinskim kofejom“. Za wodźenja kazaja sej popłatk 5 eurow, wšitke dalše zarjadowanja su darmo přistupne.
Koncertaj na Hrodźe
Křižowka (23.09.22)
Wodorunje: 3 nic spočatk, 5 wulke wódnišćo, 6 wysoki twar, 7 starobny pjenjez, 10 nutřkowny dźěl ćěła, 13 modowy car, 14 čěske město husitow, 15 swětnišćowa organizacija USA
Padorunje: 1 Richtung serbsce, 2 sydło knježićela, 3 rjemjeslnik za železo, 4 přewšo rjana, 8 načolna skupina, 9 pječwo, 11 pusćina w Aziji, 12 Narr serbsce
Rozhłós (23.09.22)
njedźelu hornjoserbsce
11:00 Łužica tutón tydźeń
11:20 Temastiske wusyłanje: „Praha za kulisami“
12:00 Nabožne wusyłanje
(Krystof Rummel)
po tym zbožopřeća
delnjoserbsce
12:30 Aktualny magacin, mjez druhim z kolumnu „Tak ja to widźu“
13:00 Tematiske wusyłanje: Koncert 1. serbskeje kulturneje brigady w Delnjoserbskim gymnaziju Choćebuz
13:40 Nabožne wusyłanje
(Madlena Norbergowa)
po tym zbožopřeća
Do kina (22.09.22)
22.9. – 28.9.2022 Budyski filmowy palast: Alle für Ella: nj 12:10 | pj, so a nj 14:30 Ticket ins Paradies: pj, so a nj 14:40 | wšědnje 17:10 a 19:50 | pj a so 22:30 Lieber Kurt: wšědnje 17 a 20 Chase: wšědnje 19:30 (nimo pó) | pj a so 22:50 Die Kängeru-Verschwörung: wšědnje 16:50 (nimo pj) a 19:50 (nimo pó a wu) After Forever: štw, so, pó a srj 17:30 | pj, nj a wu 20:00 Freibad: štw, so, pó a srj 20:00 Over & Out: pj, nj a wu 17:30 | so 22:20 Der Gesang der Flusskrebse: wšědnje 19:15 Guglhupfgeschwader: štw, so, pó a srj 16:40 Minions – Auf der Suche nach dem Mini-Boss: wšědnje 17:20 | nj 12:00 | pj, so a nj 15:10 Der junge Häuptling Winnetou: pj, so a nj 14:20 DC League of Super-Pets: pj, so a nj 14:30 Tad Stones & Die Suche nach der Smaragdtafel: nj 12:00 Mein LottaLeben – Alles Tschaka mit Alpaka: pj, so a nj 14:00 Bibi & Tina – Einfach anders: pj, so a nj 15:00 | nj 12:10 Mia and Me – Das geheimnis von Centopia: nj 12:20 Der Wolf und der Löwe: nj 12:10 Monsieur Claude und sein großes Fest: pj, nj a wu 16:40 Sneak Preview: pó 20:00 Jurassic World: Ein neues Zeitaalter: nj 12:00 The Invitation – Bis dass der Tod uns scheidet: pj a so 22.
Płastowka (16.09.22)
Pokiwy (16.09.22)
Wotewru zawrjene wrota
Čorny Chołmc. Swjećić a so „za hewak zawrjenymi wrotami rozhladować“ móža zajimcy na Čornochołmčanskim wjesnym a dworowym swjedźenju, kotryž wotměje so jutře, sobotu, wot 10 hodź. Mnozy pomocnicy a wšitke towarstwa z Čorneho Chołmca chcedźa „so wo to postarać, zo dožiwja hosćo měšeńcu z tradicije, nałožkow, rjemjesła a wuměłstwa. Swoju hospodliwosć pokazaja hospodarjo a hospozy tež z bohatymi kulinariskimi dobrotami.“ K tomu skići so pisany program. W 15 hodź. pokazaja dźiwadłowu hru „Zejler w šuli – wer ist Zejler?“ Zastup je darmotny.
Akciski dźeń za swójby
Wojerecy. Pod hesłom „Technika trjechi na hudźbu“ wuhotuje Konrada Zusowy muzej ZCOM we Wojerecach njedźelu, 18. septembra, „akciski dźeń za swójby“. Wot 10 do 17 hodź. budźe wustajenišćo darmotnje přistupne. Mjez druhim móža so wopytowarjo po nim wodźić dać, klasiske kompjuterowe hry hrać, tak mjenowane VR-nawoči wuspytać abo z lasercutterom so zeznajomić. Wo hudźbne wobrubjenje postarataj so skupinje Obst?! a Kneipenorchester.
Dźeń swětnišćoweho lětarstwa
Rozhłós (16.09.22)
njedźelu hornjoserbsce
11:00 Łužica tutón tydźeń
11:20 „Moja hudźba“ ze studijnym hosćom fararjom Geratom Wornarjom
12:00 Nabožne wusyłanje
(Tomaš Dawidowski)
po tym zbožopřeća
delnjoserbsce
12:30 Aktualny magacin, mjez druhim z předstajenjom knihi „Mój wokrjes“ a komentarom „Serbscy koparjo“
13:00 Tematiske wusyłanje: Dowolowe impresije z Bretonskeje
13:40 Nabožne wusyłanje
(Tobias Pawoł Jachmann)
po tym zbožopřeća
Depsk swjeći
Septemberske wudaće telewizijneho magacina Łužyca wěnuje so předewšěm domchowance a łapanju kokota w Depsku. Moderator Christian Mathée rozprawja wo tradicionalnym wubědźowanju z dohromady „dźewjeć jěcharjemi a 17 potencielnymi kralownami“ a rozmołwja so z wjesnjanami a wobdźělnikami swjedźenskeho ćaha. Nimo toho wobswětluja nětko tež delnjoserbšćinu wopřijimacy přełožowanski program „Sotra“ a portretuja Choćebuski Kolektiw Wakuum jako zastupjer „feministiskeje a přiwšěm inkluziwneje subkultury w Delnjej Łužicy“. Z wosebitym přinoškom gratuluja Witaj-pěstowarni „Wila Kunterbunt“ w Choćebuzu, kotraž bu před 20 lětami załožena. Jako kulturnu chłóšćenku pokazaja nowe hudźbne widejo „Co by nadejšła“ delnjoserbskeje šansonety Leny Hauptmann, nahrawane a produkowane wot Erika a Clemenca Syškojc.
Telewizija RBB wusyła „Łužycu“ sobotu, 17. septembra, w 13.30 hodź. Wospjetowanje na samsnym sćelaku slěduje srjedu, 21. septembra, w 3.30 hodź. W mediatece RBB je magacin wot jutřišeho cyłe lěto kóždy čas přistupny.
Maćica Serbska a redakcija Serbskich Nowin přeprošatejna diskusijny ...
Maćica Serbska a redakcija Serbskich Nowin přeprošatej
na diskusijny wječor wo serbskej hymnje
štwórtk, 22. septembra, w 19 hodź. do Serbskeho domu w Budyšinje.
W januarje toho lěta je Maćica Serbska pod nadpismom „Su jenož ,mužojo hódni wěčnoh wopomnjeća‘?“ přeprosyła na zjawnu diskusiju wo serbskej hymnje a runočasnje podała namjet za mjeńšu změnu jeje druheje štučki. Jako fachowc a znajer twórby Handrija Zejlerja poda dr. Franc Šěn na spočatku krótki přehlad wo tekstowych stawiznach serbskeje hymny.
Na podijowej diskusiji wobdźěla so nimo předsydki Maćicy Serbskeje dr. Anje Pohončoweje mjez druhim basnica Róža Domašcyna, bórzomna studentka Lawrencija Hawšec a FSJnik Maksimilian Gruber.
W druhim dźělu změje publikum składnosć, so wuprajić abo diskutantam prašenja stajeć. Moderatorka wječora budźe dr. Cordula Ratajczakowa, redaktorka Serbskich Nowin. Wšitcy zajimcy su wutrobnje přeprošeni!
Pokiwy (09.09.22)
Regionalne piwa woptać
Budyšin. Pod hesłom „Total regional – Chmjel & słód“ přeprošuje Budyski Center na Žitnych wikach hišće hač do jutřišeje soboty na akciski program kołowokoło piwa. W 11, 14 a 16 hodź. poskićatej regionalnej piwowaraj Frenzel-Bräu ze sprjewineho města a Dźěłarnja ProBier z Kumwałda swoje produkty we wobłuku tak mjenowaneho tastinga. Přidatnu zabawu lubi „Koło zboža“. Zastup je darmotny.
Što z korony wuknyć?
Budyšin. Towarstwo Kamjentny dom pokaza jutře, sobotu, we wobłuku wosebiteho zarjadowanja „Dajće nam rěčeć – Što móžemy resp. móhli z pandemije wuknyć“ w 19.30 hodź. film Manuela Fenna „Die Welt jenseits der Stille“, dokumentowacy wosobiny za čas korony po cyłym swěće. Slědujetej čitanje „Korona: Změna perspektiwy“ z awtorku Nancy Brandt kaž tež podijowa diskusija z Fennom, Brandt a „hosćemi z lokalneje politiki, hospodarstwa a kultury“. Zastup je darmotny.
Historiske pjenjezy a bankowki
