Z wudaća: srjeda, 17 apryla 2019

Wojerecy. Cyle w znamjenju wšelakorych družin dudow steji koncert jutře, štwórtk, w 19.30 hodź. na žurli Wojerowskeho hrodu. Wón wotměje so we wobłuku 54. Wojerowskich hudźbnych swjedźenskich hrow. Stefanie Fröde, Jens Günzel a Handrij Henčl na dudach jenož njezahraja, ale je publikumej tež předstaja. Zastup płaći 16 eurow.

Tobołku pokradnył

Wojerecy. Krótki wokomik njekedźbliwosće je zawčerawšim dopołdnja njeznaty we Wojerecach wužił a žonje ručnu tobołku pokradnył. 73lětna bě ju po nakupowanju při nakupowanskim wozyčku wisajo wostajiła a tobołku jeno skrótka njewobkedźbowaše. Na to bě paduch čakał, hrabny tobołku a so zminy. Tak zhubichu so kreditne kartki, wupokazy a jězbna dowolnosć rentnarki kaž tež třicyfrowa suma pjenjez. Kriminalna policija nětko za paduchom pyta.

Rozmołwa z přełožowarjom a awtorom Erwinom Hanušom w Choćebuzu

83lětny Choćebužan, wučer na wu­měn­ku Erwin Hanuš, je dźensa hišće pilny přełožowar literarnych twórbow a přirodowědnych knihow do delnjoserbšćiny kaž tež spisar wučbnicow serbšćiny a dźěćacych knihow. Nětko ma­ w Lu­do­wym nakładnistwje Domowi­na jeho delnjoserbska kniha „Wósłonki mójego žywjenja“ (Třěški mojeho žiwjenja) wuńć. Alfons Wićaz je so z awtorom rozmołwjał.

Je kniha Waša awtobiografija?

E. Hanuš: Poprawom nic, dokelž to njebě mój wotmysł. Mi je w awtobiografijach přewjele ličbow a datow, kotrež ludźi­ njezajimuje. Su to skerje, kaž titul hižo praji, wotrězki mojeho žiwjenja. Zapo­činam z časom doma w Hochozy, dale pak chronologisce njepostupuju. Na­wjazuju jenož na epizody, kotrež sym tu abo tam dožiwił.

Kak je kniha natwarjena?

FC Energija Choćebuz

– 1. FC Kaiserslautern 1:1 (0:0)

Zestawa domjacych: Spahić – Weidlich, Müller, Matuwila, Schneider, Schlüter, Bohl, Gjasula, de Freitas, Rangelov (60. Broschinski), Mamba (87. Hemmerich)

Jenož dwě mjeńšinje plus přidatny hrajny čas by FC Energija nawjedowanje hišće zakitować dyrbjała, potom by so jej skok wyše zestupneje smužki poradźił. Hakle we 80. min. su Choćebuženjo z pomocu jědnatki nawjedowanje docpěli, po tym zo bu Lasse Schlüter wot wrotarja hosći foulowany. Jürgen Gjasula pokutny kop wěsće přetwori. Z 1:0 bu próca, kotruž domjacy pokazachu, mytowana. Daniel Bohl na poziciji před škitnym rjećazom a Jürgen Gjasula tróšku ofensiwnišo zasadźeny běštaj chětro napadnej mocy w srjedźnym polu hosćićela. Tež Marcelo de Freitas hraješe z wulkim zapalom. To wšo pak ničo přećiwo klewernje hraja­cemu přećiwnikej njepomhaše.

Tak dyrbjachu so Łužičenjo, kotřiž su dale wot zestupa wohroženi, z dypkom spokojić. Cyłk trenarja Clausa-Dietera Wollitza wostanje tuž hač do jutrow na 18. městnje. Georg Zielonkowski

Kopańca, 3. liga

Meppen – Halleski FC 0:2 (0:2)

1860 Mnichow – Münster 0:1 (0:1)

Braunschweig – Großaspach 1:1 (0:0)

Aalen – Přećeljo sporta Lotte 1:2 (0:1)

Rostock – Carl Zeiss Jena 1:2 (1:1)

Wiesbaden – Fortuna Köln 3:0 (1:0)

Unterhaching – Zwickau 0:1 (0:0)

Uerdingen – Osnabrück 1:3 (0:1)

pinca tabulki

16. Eintr. Braunschweig 33 38 : 48 37

17. SC Fortuna Köln 33 34 : 55 37

18. FC Energija Choćebuz 33 42 : 53 35

19. FC Carl Zeiss Jena 33 36 : 52 34

20. VfR Aalen 33 40 : 50 30

regionalna liga muži

Optik Rathenow – Berlinski AK 0:1 (0:1)

Nordhausen – Kamjeničanski FC 1:2 (1:2)

Biskopičanske KT – Babelsberg 0:1 (0:0)

Altglienicke – Fürstenwalde 0:0 (0:0)

Hertha BSC II – Halberstadt 3:1 (2:1)

Viktoria Berlin – BFC Dynamo 1:2 (0:1)

HŁ Neugersdorf – Auerbach 0:2 (0:2)

Meuselwitz – Erfurt1:2 (0:2)

pinca tabulki

14. VSG Altglienicke 29 42 : 51 30

15. Biskopičanske KT 28 24 : 43 30

16. Budissa Budyšin 29 17 : 37 25

17. Hornja Łuž. Neugersd. 28 28 : 54 25

18. Optik Rathenow 29 23 : 57 18

W Gottschdorfje mjez Neukirchom a Sepicami su wólnočasni motocrosspiloća njedaw­no sezonu 2019 zahajili. Na startowanskich lisćinach stejachu tež mjena wjaco­rych Serbow, na přikład Floriana Cyža z Ralbic a Kulowskeho pjekarskeho mištra­ Matijasa Kupki. Franc Bělk z Pěskec (nalěwo) pak bě najlěpši serbski wob­dźělnik. Šuler 8. lětnika wyšeje šule Ralbicy zawěsći sej na hodźinskim wurisanju pjate městno. Ze swojej Kawasaki KXF 250 je so wón z wjac hač połsta starterami wubědźo­wał. Foto: Konstantin Hrjehor