Hodowne chórowe sadźby

Budyšin. „The festival of nine lessons and carols“ rěka koncert „w swětle swěčkow“, kotryž wokalny ansambl swj. Pětra pod nawodom cyrkwinskohudźbneho direktora Michaela Vettera jutře, sobotu, w Budyskej Cyrkwi Marje a Marty wuhotuje. Program započnje so w 17 hodź. a wopřijima chórowe sadźby mjez druhim Michaela Paetoriusa, Davida Wilcocksa a Felixa Mendelssohna Bartholdyja. Mjez hudźbnymi přinoškami čita superintendent Tilmann Popp z „bibliskich hodownych stawiznow“. Štwórć hodźiny do koncerta kaž tež program wudospołnjejo improwizuje Florian Mauersberger na pišćelach. Zastup je darmotny.

Dujerska hudźba w Slepom

Slepo. Renoměrowany britiski ansambl blachowych dujerjow Meridian Brass je jutře, sobotu, z hosćom w Slepjanskej ewangelskej cyrkwi. W 17 hodź. prezentuje we wobłuku 7. dujerskich hód „měšeńcu swjedźenskeje a pokojneje duchowneje kaž tež swětneje hodowneje hudźby“. Zastup je darmotny.

Wjerški operety a musicala