Finisaža z premjeru kataloga

Budyšin. Serbski muzej w Budyšinje zakónči zajutřišim, njedźelu, wosebitu wustajeńcu „Wěčne pućowanje – barba a słowo w twórbje ukrainskeho wuměłca Andrija Sharana“. W 15 hodź. poskića ­poslednje kuratorske wodźenje po přehladce. We wobłuku slědowaceje fini­saže, kotraž so něhdźe w 15.45 hodź. započnje, předstaja premjernje wobšěrny katalog k ekspoziciji, wopřijimacy nimale sto reprodukcijow mólbow a lyriku wuměłca w ukrainskim originalu kaž tež w němskim, serbskim a pólskim pře­basnjenju. Publikaciju skulojćeja eseje Krzysztofa Zanussija, Mariny Weisband, Katarzyny Soboczyńskeje a Juliana Nyče, wozjewjene tohorunja w štyrjoch rěčach.

Wopominaja Marju Grólmusec