Balet a němy film

Budyšin. Serbski ludowy ansambl poskići tónle kónc tydźenja dwě předstajeni. Dźensa, pjatk, pokaza balet rejowanski kruch „Smy“, rozjimowacy prašenja nastupajo serbsku identitu. Zastup płaći 16 eurow. Jutře, sobotu, přewodźi pianist Paul Bernewitz němy film „Cuzy ptak“ z lěta 1911. Zawod a zarys stawiznow serbskeho filmowstwa poda Daniel Kubik. Zastup płaći 12 eurow. Wobě zarjadowani wotmějetej so na žurli SLA w Budyšinje a započinatej so w 19.30 hodź.

Legenda žanra koncertuje

Biskopicy. Legendarna, mjeztym w Čěskej zadomjena band Master wustupi dźensa, pjatk, w Biskopičanskim East Clubje. Skupina słuša k sobuzałožerjam žanra death metal a skutkuje hižo dlěje hač štyri lětdźesatki na jewišćach swěta. Jej poboku zahraja Awstralčenjo King Parrot (grindcore/sludge) a Drježdźanjenjo Lead Infection (black thrash metal). Koncert započnje so w 20 hodź., zastup při wječornej kasy płaći 25 eurow. Zajimcam, kiž su młódši hač 21 lět, poskića tiket za 11 eurow.

Duchowna hudźba w Šěrachowje