Kijew (dpa/SN). Ukrainski prezident Wolodymyr Zelenskyj spjećuje so rozprawam knježerstwa USA wo swojej rozmołwje z prezidentom Donaldom Trumpom we wažnym dypku: Mjeztym zo Trump twjerdźi, zo je Zelenskemu namjetował, zo přewozmu USA wšitke štyri atomowe milinarnje Ukrainy, staj wobaj po słowach Zelenskeho jenož wo jadrowej milinarni Saporiššje rěčałoj, kotruž su Rusojo wobsadźili. Američenjo dyrbjeli sej milinarnju wot Rusow wróćo žadać.
Israel postupuje přećiwo Hamas
Gaza (dpa/SN). Z nowej ofensiwu wojerskich jednotkow w Gazaskim pasmje Israel ćišć na islamistisku Hamas zwyši. „Wobšěrne nadpady“ přećiwo Hamas a infrastrukturje teroroweje organizacije po wšěm pasmje dale wjedu, israelske wójsko wčera wječor zdźěli. W Jerusalemje su minjenu nóc tysacy přećiwo nowej namocy w Gazy protestowali. Při nadpadach su po palestinskich informacijach sta ciwilistow žiwjenje přisadźili.
Rasizm daloko rozšěrjeny
