Pohladnicy powědaja wo dawnych časach, swědča wo podawkach a ludźoch. Alfons Handrik wotkrywa nam swět, na kotryž smy w minjenych lětach nimale pozabyli.

Na pohladnicy z časa po Prěnjej swětowej wójnje widźimy Brěznjanske dwórnišćo, kaž bu wone spočatk minjeneho lětstotka natwarjene. Wosobowy ćah na dwukolijowej čarje wot Halštrowa do Kamjenca z parnej lokomotiwu a za tehdyši čas atraktiwny dwórnišćowy twar dopominatej na zajimawe stawizny, kak běchu w našej kónčinje železniske čary zapołoželi.