Carla Niewöhner je za swój na třoch časowych runinach jednacy dźiwadłowy kruch intensiwnje we Łužicy rešeršowała

Carla Niewöhner je awtorka hry „Wopušćeny dom“, kotruž Němsko-Serbske ludowe dźiwadło tuchwilu jako lětušu hornjoserbsku inscenaciju na hłownym jewišću pokazuje. Bosćan Nawka je so ze spisowaćelku rozmołwjał.

Knjeni Niewöhner, kak je so Wam prapremjera krucha spodobała?

C. Niewöhner: Předstajenje je mje jara wjeseliło. Mějach zaćišć, zo su so přihladowarjo z figurami identifikowali. Za mnje to rěka, zo je so mi poradźiło tudyše žiwjenske wobstejnosće adekwatnje wotbłyšćować. To je mi wažne, wšako sym hru tež za tudyši publikum spisała. Do toho ženje njewěš, hač je ći takrjec wotwonka móžno so zamyslić.

Sće da swoje figury na jewišću spóznała?