Něhdyši po wšej wokolinje znaty wjesny hosćenc „Bücke Dich“ w Smječkecach zwottorhany
Přijědźeš-li ze směra Serbskich Pazlic do Smječkec, steješe na lěwej stronje wjeski něhdy we wokolinje znata korčma z mjenom „Bücke Dich“. Stare tykowane twarjenje z přitwarkom małeje žurle dyrbješe so mjeztym wobstejnosćam časa kłonić. Měrćin Nowak, wnuk znateju Musiatec-korčmarjec mandźelskeju, chce sej na tym městnje za swoju partnerku a za swoju mać Wóršu Nowakowu nowe domske natwarić.
