Dalša poražka w zestupnym boju
ST Marijina hwězda
– SV Hermsdorf 1:2 (1:0)
Zestawa domjacych: O. Schmidt – Czapik (80. Hübner), Rab, Škoda, Smoła (65. Njek), Wróbl, Łušćanski, Jurš, P. Schmidt, Pakoßnick (24. Winkler), Peschmann
K duelej tabulkoweju susodow a zdobom zestupneju kandidatow witaše ST Marijina hwězda njedźelu popołdnju před domjacym publikumom koparjow z Hermsdorfa. Cil hosćićela běše dobyće, zo by kontakt k mustwam w srjedźnym polu dale wobstał. To pak chcyše tež hósć. Z třomi dypkami je tón ST Marijinu hwězdu w tabulce nětko přesćahnył.
W prěnjej štwórć hodźinje so ničo naspomnjenjahódneho njesta, a w 16. min. poradźi so domjacym 1:0. Po rjanej kombinaciji přez stacije Stanij Smoła a Matijas Wróbl dósta so bul k Jakobej Pakoßnickej, kiž přećiwnika wuhra a nisko přetwori. Bohužel pak dyrbjachu třělca wrotow krótko po tym wuměnić, štož bě zdobom łamk w ofensiwnych akcijach Pančičanow. Hra wotměwaše so dale přewažnje w srjedźnym polu. Wobaj cyłkaj pak wubědźištej sej přiwšěm někotre móžnosće. Najwjetšu tajku mějachu hosćo w 26. min., jako hrajer ze sydom metrow njetrjechi. Wrotar Oliver Schmidt třělwu wotwobara.
Kopicu wrotow jim napraskali
FV Drježdźany 06-Laubegast
– SJ Chrósćicy 7:1 (3:1)
Zestawa hosći: Králíček – Pöpel, Cyž, Sentivan, Šafář, Młynk (56. F. Zahrodnik), Schulze (62. Teichmann), Henčl (71. M. Zahrodnik), Runt, Žur, Věchet
Po tym zo běchu sej koparjo mustwa SJ Chrósćicy w domjacej hrě z remisom 1:1 přećiwo sylnemu cyłkej z Laubegasta hišće dypk zawěsćili, je jich w Drježdźanach druhi tabulki jasnje deklasěrował. Hižo wot prěnjeje mjeńšiny běžeše ofensiwna mašina hosćićela z wulkim ćišćom. Tak njetraješe dołho a hižo ležachu Chróšćenjo w zastatku (8.). Petr Králíček a Bosćij Cyž běštaj so njedorozumiłoj, nadběhowar so podźakowa a trjechi do čorneho. Chróšćenjo pak tłóčachu na wurunanje. Po wjacorych stacijach w šěsnatce dósta so bul k Radimej Věchetej, kiž jón k 1:1 za liniju stłóči (17.). Z dalšim nadběhom pak zhubichu hosćo w ofensiwje bul. Domjacy konterowachu a akciju zymnokrejnje k 2:1 zakónčichu (34.). Znowa so Chróšćenjo do hry nawróćichu a bychu nimale swoje druhe wrota docpěli. Věchetowu třělwu pak zamó wrotar z wuběrnym refleksom parěrować. Po róžku na tamnej stronje dósta so znowa Drježdźanski hrajer k bulej a powjetši předskok na 3:1 (45.+1).
Hišće njeporaženeho porazyli
Sokoł Ralbicy/Hórki
– Wojerowski FC 3:1 (1:1)
Zestawa domjacych: Ch. Gloxyn – Rawš, Zynda, Korjeńk, B. Bjeńš, Šewc, D. Gloxyn, Bejma (42. Wowčerk), Wałda (86. Matka), S. Bjeńš (70. Kurjat), Domaška
W Ralbičanskim Stadionje přećelstwa steještej sej wčera dotal hišće njeporaženej koparskej mustwje lěta 2017 napřećo. Wot spočatka tłóčachu Sokoljo na nawjedowanje, kotrež so jim w 9. min. poradźi. Flanka z lěweho boka docpě Pětra Domašku, kiž wušiknje přetwori. Dalše šansy sej domjacy derje nadźěłachu, před wrotami pak přehusto z poslednjej koncentraciju njedohrachu. Po róžku steješe na přikład Fabian Korjeńk samlutki w šěsnatce, w poslednim wokomiku pak škitna noha Wojerowčana wjetšemu zastatkej zadźěwa. Hósć namaka so poněčim lěpje do hry a sej tu abo tamnu šansu nadźěła. Krótko do połčasa rozsudźi sudnik nadobo na jědnatku za Wojerowčanow. Bosćij Bjeńš kopny bul před wrotami preč, jeho přećiwnik čuješe so trjecheny a hižo sudnik hwizdaše. Wšitcy w stadionje hladachu na so a njemóžachu wěrić, zo steješe nadobo 1:1. Gloxyn bě drje z porstami hišće při bulu, kulowata koža pak bě přewótrje třělena.
Widźał,słyšał, napisał (10.04.17)
Serbscy sportowcy a přećeljo so mje přeco zaso prašeja, kak sym k běhanju na srjedźnych a dlěšich čarach přišoł. Tuž k tomu tule někotre informacije:
Štyri serbske podestne městna na Wostrowskim nalětnim běhu
Při najrjeńšim słónčnym wjedrje wubědźowaše so spočatk apryla w idyliskej krajinje při Nysy wokoło klóštra Marijineho doła 442 atletow wšěch starobnych klasow we wobłuku 27. Wostrowskeho nalětnjeho běha. Aktiwni běchu z cyłeje Hornjeje a srjedźneje Łužicy, z Drježdźan kaž tež ze susodneje Pólskeje. Na poskićene distancy 0,8 km, 2 km, 4 km a 12 km podachu so běharjo wot štyrilětneho dźěsća hač k 82lětnemu wuměnkarjej. Běhi běchu lětuše druhe wurisanje za jara woblubowanu seriju Wopačanski cup.
Z brawuru sobu wojowała je tež zaso skupinka serbskich sportowcow. W přewšo sylnje wobsadźenymaj starobnymaj klasomaj za šulerjow wobsadźištej Klara Kralec ze Šunowa na 0,8 km 12. městno (U 10/3:40 min) a jeje bratr Syman na 2 km 8. městno (U 12/8:52 min). We wurisanju na 4 km wobsadźištaj 2. městno Annett Kralowa ze Šunowa (sk 35-39/19:50 min) a Jurij Nuk z Budyšina (sk 80-84/30:35 min). Na distancy 4 km wubědźowaše so tež 22 lubowarjow walkinga, a Corinna Měrćinkowa z Chelna běše cyłkowna dobyćerka (28:43 min). Prěni muski, Bernhard Gnauck z Njezdašec, docpě 14 sekundow za njej cil (28:57 min). Na 12 km počesćichu z bronzowej medalju Silvija Schadu z Budyšina (sk 45) za spěšne 44:40 min. Jurij Nuk
Pedagogojo-volleyballisća SGB w Lubiju dwójce podleželi
Wučerjo-volleyballisća Serbskeho gymnazija Budyšin (SGB) přěhrachu na druhim hrajnym dnju 50. sezony wokrjesnych mišterstwow přećiwo kolegam z Wjazońcy a Lubija snadnje z 1:2. W tabulce šěsć startowacych šulow steja nětko na třećim městnje, maja pak hišće minimalnu šansu, titul zakitować.
Wuslědki (10.04.17)
Wokrjesna wyša koparska liga
Kumwałd – Kulow5:3 (2:1)
Hory – Ćisk1:1 (0:0)
Ralbicy/Hórki – Wojerecy3:1 (1:1)
1. ST Ćisk 22 77 : 15 52
2. Rakečanske ST 22 55 : 32 45
3. Sokoł Ralbicy/Hórki 21 54 : 28 40
4. ST Hnašecy-Dobruša 22 44 : 34 39
5. SC Großröhrsdorf 22 30 : 26 32
6. Póst German. Budyšin 22 37 : 41 31
7. Motor Kumwałd 22 42 : 48 31
8. ST Kinspork/Łužnica 22 41 : 36 28
9. LSV Hory 21 49 : 37 26
10. Módro-běli Kulow 21 39 : 41 26
11. Wojerowski FC 21 46 : 42 25
12. Drohotka Ramnow 21 32 : 46 23
13. FV Ottendorf-Okrilla 22 32 : 56 21
14. Zeleno-běli Bukecy 22 34 : 67 19
15. ST Wjelećin 22 41 : 77 19
16. TSV Połčnica 21 29 : 56 12
Sport (07.04.17)
Běhi na Čornobóh
Jutře, 8. apryla, přewjedu w Kumwałdźe mjeztym 7. běh a 4. trail na 556 metrow wysoki wjeršk Čornoboha. Start a cil budźetej zaso při tamnišej wyšej šuli Wilhelm von Polenz. Wubědźowanske distancy su 1,7 km; 3,5 km; 8,2 km a 16,5 km. Prěni start budźe w 13 hodź. Přidatnje poskića lětsa tež krótku trail-čaru na 6,2 km, na kotrejž dyrbja atleća 311 metrow wysokostneho rozdźěla zmištrować. Na dołhej čarje 16,5 km wučinja tónle rozdźěl samo 856 metrow. Běhaj na 3,5 km a 8,2 km započnjetej so w 14 hodź. resp. 14.05 hodź.
Jutrowne jejka sej wotběhać
Natwar Němske Pazlicy wuhotuje jutry póndźelu zaso ludosportowe zarjadowanje kołowokoło Němskopazličanskeho wulkeho hata. Hižo 12. raz dźe tam wo to, sej jutrowne jejka wotběhać, a to bjez wubědźowanskeho charaktera. Start budźe w 10 hodź.
Treningowe lěhwo motocrossa
Napjatosć hač do kónca
ST Radwor
– HZ Łaz/Běły Chołmc 3:2 (2:0)
Zestawa domjacych: Ch. Šěrak – Henka, Zähr, Omran, F. Šěrak, Zimmermann, Nuk, Bejmak (46. Von Karwin), Winar, Kurjat (68. Hančik), Schulze
K načolnemu duelej wočakowachu koparjo Radworskeho ST w nachwatanskej hrě HZ Łaz/Běły Chołmc. Přećiwo tabulkowemu susodej mějachu woni hladajo na prěnju hru hišće zličbowanku wotewrjenu. W Běłym Chołmcu běchu kónc awgusta njetrjebawšu poražku 2:1 poćerpjeli. Hladajo na tabulku bě tuž horcy bój na kóždy pad garantowany.
Wuslědki (06.04.17)
Wokrjesna koparska liga, stafla II
Njeswačidło – Bluń 4:4 (0:2)
Radwor – Łaz/Běły Chołmc 3:2 (2:0)
1. HZ Wulke Ždźary 17 45 : 21 40
2. HZ Łaz/Běły Chołmc 17 41 : 21 32
3. ST Radwor 17 56 : 21 31
4. ST Ćisk II 17 30 : 25 29
5. FSV Łuty 17 31 : 22 26
6. ST Lubuš 17 34 : 25 24
7. LSV Hory II 17 30 : 31 23
8. Rakečanske ST II 17 22 : 32 21
9. Nowe Město n. Sprje. II 17 24 : 35 20
10. Wojerowski FC II 17 29 : 46 18
11. Módro-běli Njeswači. 17 32 : 43 17
12. Nadrózna Hrabowka 17 26 : 38 17
13. LSV Bluń 17 27 : 44 16
14. Sokoł Ralbicy/Hórki II 17 19 : 42 10
Wokrjesne pokalne koło – štwórćfinale
Wojerecy – Drohotka Ramnow 6:3 (1:2)
Hnašecy/Dobruša II
– Großnaundorf1:2 (1:0)
Sokoł Ralbicy/Hórki – Ćisk 3:2 (1:1)
Němske Pazlicy – Rakecy 1:3 (0:0)
