6. Ramnowski Fichtowy běh
Sezonu z poražku zakónčili
FV Módro-běli Zschachwitz
– SJ Chrósćicy 3:1 (2:1)
Zestawa hosći: Králíček – Teichmann, Sentivan, Šafář, Henčl, Schulze, Młynk (64. F. Zahrodnik), M. Zahrodnik (73. Gries), Runt, Žur, Věchet (45. Bogusz)
Prěnje koparske mustwo SJ Chrósćicy je swoju premjernu hrajnu dobu w krajnej klasy-wuchod jako prěni cyłk zakónčiło, dokelž ma stafla njerunu ličbu mustwow. Nažel su so chowancy trenarja Pavela Runta ze słabym wukonom do lětnjeje přestawki rozžohnowali. Při tym běchu woni w zwučenej a sylnjej zestawje nastupili. Jeničce kapitan Bosćij Cyž njesmědźeše so žołto-čerwjeneje karty dla, kotruž bě w hrě přećiwo Weixdorfej dóstał, wobdźělić. Domjacy hru a tempo wot spočatka postajachu. Chróšćenjo skutkowachu skerje mučni. Po jědnaće mjeńšinach Zschachwitz hižo 1:0 nawjedowaše. Jenož mjeńšinu pozdźišo drje zamó Čech Radim Věchet wurunać a hišće do połčasa pak přećiwnik znowa wyskaše (37.). Po rjanej přihrawce přetwori nadběhowar módro-běłych zymnokrejnje k 2:1. Králíček bě bjez šansy.
Widźał,słyšał, napisał (06.06.17)
Awtor dźensa
Clemens Šmit
Lubi čitarjo, wěsće wy, što maja serbscy koparjo Fabian Korjeńk, Bosćij Bjeńš a Pětr Domaška z Tonijom Kroosom, Sergiom Ramosom a Karimom Benzemu zhromadne? Ně? Nó, to wam rady přeradźu! Wšitcy šesćo mějachu nimo indiwiduelnych sezonowych cilow lětsa cyle wosebity són: Zakitowanje pokala! Tym jednym, mjenujcy „kralowskim“ z Madrida je so wosebity coup minjenu sobotu poradźił. Real přesadźi so w finalu w mišterstwje europskich klubow přećiwo Juventus Turinej jasnje z 4:1. Z tym poradźi so jim to, štož žane europske mustwo dotal docpěło njeje: zakitowanje pokala champions league. Runje tak njeje mi znate, zo je so hdy někajkemu mustwu z našeje wokoliny poradźiło, sej dwójce za sobu wokrjesny pokal zdobyć. Koparjo z Ralbic, potajkim tež Korjeńk, Bjeńš a Domaška móža z triumfom dopokazać, zo je tež tole móžno.
Narodninar přećiwnika sej dobyće darił
Sokoł Ralbicy/Hórki II
– HZ Łaz/Běły Chołmc 0:3 (0:1)
Zestawa domjacych: Bjeńš – Gerlich, Kobalc (77. Cyž), M. Matka, Bogusz, Serbin (65. Materna), Šwejda, Čornak, Šnajder, Jakubaš, J. Matka
Při horcych temperaturach nastupi rezerwa Sokoła Ralbicy/Hórki přećiwo načolnikej z Łaza/Běłeho Chołmca. Znowa njemějachu Sokoljo wšitkich hrajerjow k dispoziciji. Chowancy Tomaša Matki złožowachu so tuž na defensiwne dźěło a chcychu sej ze spěšnymi konterami tu abo tamnu šansu wotkryć. Škit před wrotarjom Jurjom Bjeńšom dyrbješe přez cyły hrajny čas mócnje dźěłać. Prěnja šansa poskići so hosćej w 5. min., jako třělwa wrota Sokoła snadnje misny. Hač do 22. min. tale murja steješe. Jónu pak njezamóchu delanscy koparjo bul ze šěsnatki třělić a Nicola Tietze přetwori k 0:1.
Nowopřichad pola Energije
Něhdyši rjekojo na jubilejnym zarjadowanju zahorili
Wuslědki (06.06.17)
Krajna liga mužow
Markkleeberg – FC Eilenburg 1:3 (0:0)
SG Taucha – Wocl Riesa 0:1 (0:0)
Kamjenc – VfB Zwenkau II 4:2 (1:1)
Přezjednota Niska – BSC Freiberg 1:1 (0:1)
Rapid Kamjenica – FC Grimma 4:1 (2:1)
Glauchau – FC Lößnitz 2:1 (2:1)
1. FC Eilenburg 26 73 : 21 68
2. Jednota Kamjenc 27 65 : 25 63
3. FC Grimma 26 50 : 30 50
4. Hohenstein-Ernstthal 26 60 : 42 43
5. Wocl Riesa 26 56 : 48 41
6. VfL Pirna-Copitz 26 48 : 40 38
7. Rapid Kamjenica 27 56 : 51 34
8. Glauchau 26 48 : 46 34
9. Přezjednota Niska 26 42 : 43 32
10. Markkleeberg 26 37 : 51 30
11. FC Lößnitz 26 30 : 40 26
12. FC Rychbach 26 27 : 47 23
13. BSC Freiberg 26 35 : 77 20
14. VfB Zwenkau II 26 29 : 61 19
15. SG Taucha 26 21 : 55 4
16. Žołto-běli Zhorjelc 0 0 : 0 0
Sport (02.06.17)
Stari knježa za bulom honja
Serbski Sokoł přewjedźe 21. koparski turněr starych knjezow wo swój pokal pjatk, 9. junija w Hórkach zhromadnje z koparjemi Zeleno-běłych Hórki. Přeprošene cyłki z Njebjelčic, Chrósćic, Pančic, Radworja a Hórkow zetkaja so w 17.30 hodź. Prěnju hru w modusu kóždy přećiwo kóždemu zahwizda sudnik dypkownje we 18 hodź. Zakitowar pokala su Ralbičanscy Sokoljo.
Na probowy koparski trening
Dorostowi trenarjo sportoweho towarstwa FSV Budissa Budyšin přeprošuja młodych koparjow na probowy trening. Štóž je dźesać abo jědnaće lět stary, smě so 7. a 14. junija wot 17 hodź. wobdźělić. Dwanaće- do 13lětni zetkaja so 8. a 15. junija wot 17.30 hodź., 14- do 15lětni 9. a 16. junija wot 17.30 hodź. Městnosć proboweho treninga je dorostowy centrum w Budyskim Humboldtowym haju, Neujowa promenada 1.
Wobornicy so wubědźuja
Wohnjowi wobornicy zarjadniskeho zwjazka Při Klóšterskej wodźe Pančicy-Kukow a dalše hašenske cyłki su so tydźenja na dalše terminy wubědźowanjow dojednali:
2. junija 18:30 we Worklecach
11. junija 10:00 w Konjecach/ Šunowje
30. julija 14:00 w Smjerdźacej
Jenož dypk w zestupnym boju
ST Wóslink/Skaskow
– ST Marijina hwězda 1:1 (0:1)
Zestawa hosći: O. Schmidt – Wróbl, Škoda, Łušćanski, Lipič, Peschmann, T. Jurš (65. P. Schmidt), O. Hawš, R. Hawš, Pakoßnick (40. Winkler), D. Jurš
Prěnje koparske mustwo ST Marijineje hwězdy ST Wóslinkej/Skaskowej wažnej dypkaj w boju přećiwo zestupej dariło, byrnjež so partija za hosći z wrotami w 7. min. chětro derje započała. Třělc běše Jakob Pakoßnick. Najwjetšu móžnosć, so wo předrozsud postarać, měješe w 25. min. Dawid Jurš. Wón bu w šěsnatce foulowany a sudnik postaji jědnatku, jeho kop pak njebě precizny dosć. Po tym prošeše sudnik Detlef Kral wobaj cyłkaj ke krótkej přestawce, zo bychu so hrajerjo napić móhli. Duel bě dale a wurunaniši, a šansy běchu na woběmaj stronomaj. Najwjetšu móžnosć měješe krótko do połčasa Falko Peschmann, ale třěli bul nimo wrotow. W 61. min. bu Richard Hawš njefairnje wot poslednjeho muža hosćićela zadźeržany, a sudnik pokaza tomu amplowu kartu. Přez pobrachowacu klewernosć hosći poradźi so Wóslinkej/Skaskowej wurunanje. Christian Bulmann bě Olivera Schmidta při pokutnym kopje do wopačneho směra pósłał (86.).
Skok na čoło tabulki so njeporadźił
Rakečanske ST II
– ST Radwor 1:1 (1:1)
Zestawa hosći: Ch. Šěrak – Zähr, Omran, Wjeńka, Bejmak, von Karwin, Nuk, Zimmermann, Winar, Mark (53. Kurjat), Schulze
23. hrajny dźeń podachu so Radworscy koparjo do Rakec, a to ze zaměrom, sej prěnje městno w tabulce wěsće zaručić. Wědźachu pak tež, zo wot zestupa wohrožene domjace mustwo bjez boja žane dypki njewoteda.
Wot wšeho spočatka bě hra napjata. Wobaj cyłkaj podaštej so połnej elana do hry. Radworčenjo mějachu w 9. min. zbožo, zo w swójskich wrotach njezaklinka. Tři mjeńšiny pozdźišo pruwowaše Paul Zimmermann ze zdalenosće Rakečanskeho wrotarja, kiž móžeše třělwu hišće k róžkej wotwobarać. Hosćo pak nětko tłóčachu a skomdźichu přez Toma Schulzu a Křesćana Bejmaka nawjedowanje (15. , 22.). Po róžku w 27. min. trjechi Schulze 0:1. Domjacy pak dale derje sobu hrajachu a wopokzachu so runje při standardach jako dosć strašni. Zimmermann trjechi po dobrej stafeće ze šěsnaće metrow jeno třiróžk metala. Hra wuwi so k dobremu a bojowniskemu derbyjej. W 44. min. namaka Rakečan Robin Brosnan škałobu w Radworskim škiće a wěsće wuruna.
