Cyril Pjech z Berlina:

Nam so wozjewja, wosebje wokoło 3. oktobra kóždeho lěta, zo smy žiwi w swobodźe a demokratiji – a nětko twjerdźi žurnalist zjawneje telewizije, a to hišće w cyrkwi, zo „smy žiwi w kapitalizmje wobkedźbowanja!“ (Serbske Nowiny z 4. decembra )

Za to njejsu trěbni někajcy „IM“. Wšako nam wuwity kapitalizm za to wysoko wuwite małe aparaćiki předawa, kotrež nosymy stajnje ze sobu a stajnje wuži­wamy. Tak zmóžnjamy tute wobkedźbowanje. Na prašenje, hač zniča socialne medije demokratiju wotmołwi žurnalist: „Ja so boju, zo haj.“ A swoboda je při tajkim wobkedźbowanju tak a tak jenož relatiwna.