Hans-Eberhard Kaulfürst reaguje na přinošk w SN 19. februara w zwisku z měrowymi jednanjemi: Kak móže so stawiznow wědoma duša nad tutymi „měrowymi“ jednanjemi radować, to mje dźiwa: Mnichow w lěće 1938 – zapadne knježerstwa jednaja z Hitlerom wo wotstupjenju Sudetow, němskorěčneho teritorija Čěskeje, na Němsku. Bjez toho zo smědźachu Prascy politikarjo sobu­ za blidom sedźeć! Měr slubjace to jednanje? Kóždy dźensa sćěhi znaje: Wobsadźenje, morjenja, a na kóncu wuhnawanje milionow ludźi z domizny! Za imperialistiskich mócnarjow zda so samozrozumliwe, zo maja so mjeńše staty wjetšim podćisnyć. Zo Trump Zelenskeho diktatora swari – we wuchach Moskwy klinči to słódko kaž měd. Ně. Měr ma jenož šansu, hdyž so wuměnjenja na zakładźe prawdy a sprawnosće wujednaja, a hdyž potrjecheni wo swojich naležnosćach sobu jednaja. Ruska njech skónčnje tutu grawoćiwu wójnu skónči, swojich chudych mužow-wojakow domoj sćele a jim měr dari, to rěka: so wróćo sćehnje z teritorija Ukrainy. Kak je Angela Stachowa z poćahom na bibliju pisała? „... a waše dźěći budu syroty.