Zeleny wodźik ma kluč za energijowy přewrót być. To wužada tež přede­wzaće Łužiska energija a milinarnje (LEAG), kotrež chce na stejnišću w Janšojcach z na wobnowjomne wašnje zdobywaneje miliny wodźik produkować a składować. Nimo toho wotpohlada LEAG tam skład za termisku energiju twarić, z čimž k přichodnemu zastaranju z dalnoćopłotu bjez wuhlika přinošuje.

Janšojce (SN/at). Nastupajo sam produkowany zeleny wodźik je Europska unija dotal „jeno skromne wuspěchi“ docpěła, kaž Zličbowanski zarjad EU tele dny zwěsći. Za lěto 2030 wotpohladane hódnoty za import a zhotowjenje su „pře česćelakome“, rěka w rozprawje zličbowanskeho zarjada w Luxemburgu.