Załoženski direktor Astrocentruma Łužica w Drježdźanach přednošował

Drježdźany (SN/jp). Rektorka Techniskeje uniwersity (TU) Drježdźany prof. Dr. Ursula Staudinger witaše wčera nawječor prof. Günthera Hasingera, załoženskeho direktora Astrocentruma Łužica (DZA), na nastupne čitanje. Hižo wot lońšeho dźěła w Oberammergauwje rodźeny Bayerski ze skupinu dalšich wědomostnikow na polu astrofyziki w Instituće za jadrowu a dźělčkowu fyziku TU Drježdźany. Hasinger bu w lěće 2017 na direktora za wědomosć Europskeje swětnišćoweje organizacije pomjenowany. Mjeztym pak bydli ze žonu w Zhorjelcu, zo by zaměrnje astrocentrum we Łužicy natwarił, hdźež ma w přichodźe tysac ludźi dźěłać.