Hrajerjo, kotřiž su so wo kuriozne wokomiki předkoła postarali
Hólc ze złotej nohu Arda Güler: 19lětny je jedne z najrjeńšich wrotow dotalneje EM docpěł. W zazběhowej hrě Turkowskeje přećiwo Georgiskej docpě wón wrota k 2:1 – a kak! Z dobrych 25 metrow zdalenosće zapali wón ze swojej lěwej nohu bul do třiróžka a sta so z rjekom naroda. Jako wosta w druhej hrě Turkow přećiwo Portugalskej (0:3) na ławce, žadachu sej turkowscy fanojo wjackróć a wótře jeho zaměnu. Wučerpany a nic fit dosć je ofensiwny hrajer był, praji trenar Vincenzo Montella, a zo nochcyše žane riziko na so wzać. „Budu Ardu skónčnje w dalšim přeběhu turněra trjebać. We wosmifinalu přećiwo Awstriskej na přikład.“
Wo pokerkarty a knižki fanow
Hrajny plan
MUŽOJO
30. junija, w 11 hodź. w Tönningu
Serbske mustwo – Roma Nat. Minority
1. julija, w 14 hodź. w Niebüllu
Serbske mustwo – DZSCR
ŽONY
30. junija, w 14 hodź. w Flensburgu
Serbske mustwo – Sydslesvig
1. julija, w 15 hodź. w Harrisleeju
Les Ladines – Serbske mustwo
Serbske Nowiny Europeadu 2024 z małym kwisom přewodźa. Jako myta kiwaja stajnje pokerkarty a knižki fanow Serbskeho mustwa. Dźensa chcemy wědźeć:
W kotrym lěće je Serbska wubranka žonow na Europeadźe prěni raz hrała?
Swoje wotmołwy posćelće prošu
hač do 30. junija emailnje na
Sport (28.06.24)
Konjacy sport kónc tydźenja
Jěchanske a jězdne towarstwo Njeswačidło wuhotuje kónc tydźenja skakanski turněr w konjacym sporće na jěchanskej ležownosći w Holešowskej Dubrawce. Sobotu a njedźelu poskića so nimo jěchanskeho sporta zabawy za swójby, kaž dźěćace jěchanje, molowanska dróha, atd. Wosebitosć njedźelu budźe tradicionalne jězdźenje ze zapřahami.
Konjace sportowe towarstwo Kulow je dźensa, jutře a zajutřišim zarjadowar a wuhotowar 17 pruwowanjow za konjacych sportowcow. Dźensa započnje so poslednje wubědźowanje na dresurowym jěchanišću w 15.30 hodź. Jutře sportuja w Kulowje wot 9 hodź. Zakónčace pruwowanje budźe w 16.30 hodź. Samsny časowy ramik wočakuje přihladowarjow njedźelu. Wot 14 hodź. wustupja cheerleaderki Łužiskich lodohokejowych liškow. Tež jednaćel mustwa DEL2 Dirk Rohrbach budźe tam z hrajerjom Běłowodźanow přitomny.
Dźesate třělenje jědnatkow
Štyri króć štyri dypki – kuriozna zestawa na njedobro Ukrainy
Rumunska je njewočakowano w skupinje E dobyła. W poslednjej skupinskej hrě přećiwo Słowakskej docpě Rumunska 1:1. Paralelna hra w Stuttgarće mjez Belgiskej a Ukrainu njeměješe tohorunja žanoho dobyćerja, wona skónči so 0:0. Wšitke mustwa mějachu w tabulce na kóncu štyri dypki. Rozsudna běše diferenca wrotow: Belgiska wosta druha před Słowakskej, wobaj cyłkaj stejitej tak wěsće we wosmifinalu, mjeztym zo Ukraina zwrěšći.
Němska ma wšitke šansy na titul
Europske mišterstwo w kopańcy, wosebje pak wukony němskeho mustwa, tuchwilu wulki zajim zbudźa. Fanojo woblubowaneho sporta čakaja na přichodnu hru tule sobotu.
Worklecy/Njebjelčicy (mj/SN). Hižo nětko lubowarjo kopańcy wo tym diskutuja, hač ma němske mustwo šansu, titul europskeho mišterstwa dobyć. „Jeli wšitcy, trenar, sportowcy a přewodnicy z tuteje hry wuknu, potom přicpěwam němskemu mustwu titul europskeho mištra. Za to trjebaja podpěru fanow w stadionje“, rjekny Franc Richter. A Tadej Cyž měni: „Jeli w štwórćfinalu Němcy přećiwo Španiskej dobudu, sym sej wěsty, zo europske mišterstwo dobudźemy.“ Koparskaj fachowcaj znajetaj kwalitu mustwa.
Po dobyću na trawniku poražka za zelenym blidom
Nachwatanska hra w Kumwałdźe mjez tamnišemu koparskemu cyłkej a Chróšćanskej rezerwu wotmě so pjatk do Swjatkow. Chróšćenjo tehdomnišu hru suwerenje 6:1 dobychu. Za hosći bě Alwin Graf trójce trjechił, dwójce bě Křesćan Zahrodnik wuspěšny a wo kónčny staw postara so Bosćan Donat.
Něšto dnjow po hrě pak Chróšćenjo zhonichu, zo so staflowy nawoda wokrjesneje ligi z hru zaběra. Zakład skóržby bě zestawa hosći. Tak smě druhe zastupnistwo jednoho towarstwa po regularijach Sakskeho koparskeho zwjazka (SFV) jenož dwaj stajnaj hrajerjej prěnjeho mustwa w swójskej winowatostnej hrě zasadźić. Dale je tam postajene, zo su stajni hrajerjo ći, kotřiž su w 50 procentach wšěch winowatostnych hrow aktualneje sezony na trawniku stali. Při tym njerozeznawaja mjez hrajerjemi startoweje zestawy a pozdźišo zaměnjenymi.
Chróšćanam tute prawidło po zdaću wědome njebě, wšako podpěrachu w tutej hrě hnydom šěsć stajnych hrajerjow prěnjeho mustwa druhe zastupnistwo, mjez druhim sylny hrajer Alwin Graf.
Wuslědki (27.06.24)
Wokrjesna liga stafla I
1. Arnsdorfske KT 26 87 : 35 58
2. Bretnig-Hauswalde 26 93 : 51 58
3. ST Porchow 26 71 : 41 55
4. ST Marijina hwězda 26 72 : 39 50
5. TSV Wjazońca 26 69 : 41 45
6. Motor Kumwałd 26 73 : 63 37
7. SZ Steinigtwolmsdorf 26 68 : 60 37
8. HZ Huska/Hodźij 26 57 : 56 35
9. TSV Wjernarjecy 26 56 : 72 32
10.ST Wjelećin 26 52 : 66 31
11. HZ Frankenthal 26 46 : 71 30
12.SJ Chrósćicy II 26 39 : 67 24
13. HZ Rakecy/Minakał II 26 38 : 103 20
14. SZ Drjewnica 26 25 : 81 10
Wokrjesna liga stafla II
1. Zeleno-běli Bukecy 26 81 : 39 54
2. LSV Hory 26 92 : 63 49
3. ST Kubšicy 26 73 : 40 48
4. Módro-běli Minakał 26 61 : 33 48
5. Traktor Malešecy 26 61 : 37 41
6. ST Wulka Dubrawa 26 48 : 31 41
7. FSV Łuty 26 51 : 41 40
8. HZ Nadrózna Hrabowka 26 65 : 58 38
9. ST Lubuš 26 58 : 56 37
10. Wojerowski FC II 26 59 : 61 37
11. ST Kinspork/Łužnica 26 46 : 60 31
12. ST Bart 26 30 : 63 28
13. Nat. Němske Pazlicy II 26 26 : 98 11
14. Wóslink/Skask./Kul. II 26 20 : 91 10
Nic Francoska, nic Nižozemska, ale Awstriska
Z tym njeby do koparskich europskich mišterstwow drje nichtó ličił. Dobyćer skupiny D rěka Awstriska. Z wuspěchom 3:2 přećiwo Nižozemskej zaćehnje wubranka trenarja Ralfa Rangnicka jako skupinski dobyćer do koła poslednich 16 mustwow, hišće před wysoko posudźowanymi Francozami z Kylianom Mbappéjom.
Awstriska postajowaše najprjedy partiju. Prócowanja mytowaše njedobrowólnje Donyell Malen, kiž suny so do flanki a bul do swójskich wrotow stłóči (6. min.). Po přestawce dźěše tam a sem. Najprjedy wuruna Cody Gakpo z wobhladanjahódnej třělwu do praweho róžka (47.), potom docpě Romano Schmid znowa nawjedowanje z hłowu (59.). Memphis Depay postara so artistisce wo 2:2 (75.). Marcel Sabitzer rozsudźi z třělwu we 80. min. napjatu hru w Berlinskim olympiskim stadionje za Awstrisku. Tak trjechi awstriska wubranka wutoru we wosmifinalu na druheho skupiny F. Nižozemjenjo su jako jedyn ze štyrjoch najlěpšich skupinskich třećich tohorunja za přichodne koło kwalifikowani. Přichodny přećiwnik hišće jasny njeje.
Kónc tydźenja połny rozbudźacych wokomikow w Pančicach
Skónčnje bě tak daloko, 14. a 15. junija w Pančicach swjećachu, a to 100+ lět ST Marijineje hwězdy z.t.
Z kóždolětnym koparskim turněrom Serbskeho Sokoła z.t. započa so pjatkowny wječor. Na kóncu smědźeše hosćićel z 1. městnom wuběrnje do swjedźenskeho kónca tydźenja startować. Po wuspěšnym turněrje slědowaše zhromadny wječor z public viewingom w swjedźenskim stanje. Mnozy su přeprošenje sćěhowali, prěnju domjacu hru němskeje koparskeje wubranki při europskich mišterstwach hladać. Stan bě derje pjelnjeny, nic jenož z čłonami towarstwa, ale tež z hosćimi a wćipnymi. Krónowace zakónčenje bě na tutym wječoru, zo je němske mustwo dobyło. To su wězo tež hišće swjećili.
Kopańca ze swojimi rjanymi stawiznami přihladowarjow wobkuzłała
Hdy by kumštna inteligenca nadawk měła, wurjadnu koparsku scenu zestajić, kotraž je něhdźe 31 sekundow dołha, dwě paradźe wrotarja ze swětowej klasu wobsahuje a k tomu dyrbi hišće zrudobu a njesměrne wjeselo jednoho hrajerja a cyłeho kraja pokazać, potom by wuslědk wrotam Luki Modrića, w hrě Chorwatskeje přećiwo Italskej, jara podobny był. Kak njezapomnita tuta scena tež běše, wosmifinale za Chorwatsku nimale wjace móžne njeje. Italska je z wrotami w poslednjej mjeńšinje wosmifinale koparskich mišterstwow docpěła.
Wuchadźišćo do hry wupadaše za Italsku lěpje. Chorwaća trjebachu dobyće, zo móhli hišće druhe městno docpěć. Tomu wotpowědujo započa Chorwatska aktiwnišo a z jasnje wjace wobsydstwom bula. Italska dźeržeše so wróćo a łakaše na zmylki Chorwatow. Potom pak so wobraz zwjertny, Italska přińdźe přeco lěpje do hry a wubranka wokoło Modrića namaka na tamnej stronje lědma raz puć přez italsku defensiwu do šěsnatki.
