Lětsa je nalěćo čas wólbow. Kak su so te prěnje, zwjazkowe wólby zakónčili, smy wšitcy widźeli: wjac hač połojca młodych wolerjow w starobje mjez dwaceći a třiceći lětami je so w Němskej za populistiske strony rozsudźiło. Tući wšak su jara aktiwni na socialnych syćach. Najskerje njeje to jenička přičina, ale zawěsće jedna za to, zo je telko młodźiny wobzamknyło, tajku stronu wolić. Wšako je wona w interneće žiwa. To rěka, zo budu přichodne wólby hišće zrudniše. Praju to tohodla, dokelž budu někotři stari wolerjo, kotřiž tradicionalne a konserwatiwne strony wola, mjeztym hižo njeboh. Z tym budu tuchwilne preferency młodźiny přiběrać.