Olympiada wjeršk była

póndźela, 03. awgusta 2015
artikl hódnoćić
(0 )
Róžeńčanska olympiada bě wčera wjeršk wjesneho swjedźenja.  Foto: A. Handrik Róžeńčanska olympiada bě wčera wjeršk wjesneho swjedźenja. Foto: A. Handrik

Wotměnjawy wjesny swjedźeń w Róžeńće přewjedli

Róžant (aha/SN). Wot časa přewróta přewjeduja Sernjany a Róžant wotměnjejo wjesny swjedźeń. Kónc tydźenja nětko su jón Róžeńčanski młodźinski klub, tamniša wohnjowa wobora a wjesna rada zhromadnje přihotowali a wuhotowali. Hižo minjenu srjedu běchu započeli stany, bary a jewišćo twarić. Mnozy zwólniwi předewzaće podpěrachu, tak zo bě hač do 40 pomocnikow při dźěle. Hižo k zazběhej swjedźenja pjatk wječor na jedyn-euro-party knježeše wuběrna nalada.

Sobotu popołdnju pokaza šěsć mustwow na volleyballowym turněrje swoje zamóžnosće při wysokim saku. Jako najlěpši wopokazachu so kaž hižo před lětomaj znowa Smjerdźečenjo.

Porjadne wojowało je tež 19 wohnjowych woborow na wubědźowanju w hašenju, kotrež kameradojo z Konjec/Šunowa za sebje rozsudźichu.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND