Wětr do chorhoje přimał

wutora, 29. měrca 2016
artikl hódnoćić
(0 )
Na swojim puću do Radworja jěcha Baćoński křižerski procesion mjez druhim nimo Chasowskeho wětrnika, štož je mnohim fotografam  woblubowany motiw. SN/Maćij Bulank Na swojim puću do Radworja jěcha Baćoński křižerski procesion mjez druhim nimo Chasowskeho wětrnika, štož je mnohim fotografam woblubowany motiw. SN/Maćij Bulank
Pančicy (SN/mwe). Klóšterskich kři­žerjow w Pančicach-Kukowje je lětsa na přewšo dostojne wašnje farar Tomasz Dawidowski w serbskej, němskej a łaćonskej rěči wužohnował. Mjez 107 jěcharjemi, štož bě jedyn mjenje hač loni, bě sydom nowačkow. Slěborny wěnčk měješe Handrij Bulank z Pančic přityknjeny. Zo klóšterscy jěcharjo tež lětsa zaso derje spěwachu, je w prěnim rjedźe zasłužba młodeho kantora Joachima Jurenca. Wosebje na klóšterskim dworje je za wšěch, tež za konje ćežko, mjez tysacami hosći w procesionje měr wobchować. Na to pak běchu křižerjo přihotowani.
Njebjelčicy (SN/MiR). 116 křižerjow, štyri mjenje hač loni, je so jutrońčku dopoł­dnja na puć do Wotrowa nastajiło a so strowych zaso domoj nawróćiło. W lětušim Njebjelčanskim procesionje wuhladachu wěriwi wobeju wosadow a mnozy hosćo třoch nowačkow, Tristana Mjechelu ze Serbskich Pazlic kaž tež Jonasa Lehmanna a Floriana Hähnela z Njebjelčic. Blidarski mišter Tobias Cyž, kiž je prěni króć Božu matru njesł, a Bosćij Kokla z Njebjelčic jěchaštaj ze slěbornym wěnčkom.
wozjewjene w: Lokalka

Galerija

dalši wobraz (1) W Ralbicach swjećeše Zala Ćemjerjowa jutrowničku 75. narodniny. Chwile swjećić wšak jubilarka njeměješe. Ćemjerjecy pohosćichu 34 Kulowskich křižerjow.
dalši wobraz (2) Alfons Rjeda je we Wotrowje 60. raz sobu jěchał.
dalši wobraz (3) Achim Brězan ze Sulšec bě 65. raz z křižerjom.
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

  • Sobotu, 17. febraura,  měješe lětuša inscenacija „Paradiz w dobrej stwě“ Němsko-Serbskeho ludoweho dźiwadła na hłownym jewišću w Budyšinje premjeru. Tule podawamy wam někotre fotowe impresije z přemjerneho předstajenja a z premjerneho swjedźenja. Při

nowostki LND