Klóšterska zahroda wita do noweje sezony

wutora, 10. meje 2016
artikl hódnoćić
(0 )
Zapósłanča zwjazkoweho sejma Marja Michałkowa (CDU), Melissa Zarjeńkec, zapósłanc Europskeho parlamenta Hermann Winkler (CDU), abatisa Philippa Kraft a zapósłanc Sakskeho krajneho sejma Alojs Mikławšk (CDU, wotlěwa) su štom lěta  2016, pózdnju lipu, sadźili. Foto: Maik Brězan Zapósłanča zwjazkoweho sejma Marja Michałkowa (CDU), Melissa Zarjeńkec, zapósłanc Europskeho parlamenta Hermann Winkler (CDU), abatisa Philippa Kraft a zapósłanc Sakskeho krajneho sejma Alojs Mikławšk (CDU, wotlěwa) su štom lěta 2016, pózdnju lipu, sadźili. Foto: Maik Brězan

Pančicy-Kukow (mbr/SN). Hižo 23. raz wo­tewrěchu­ minjenu njedźelu sezonu w Pančičanskej klóšterskej zahrodźe, kotraž je w nošerstwje Křesćansko-socialneho kubłanskeho skutka (CSB). Na rjanym słónčnym dnju witaštaj jednaćel Peter Neunert a zapósłanc Europskeho parla­menta Hermann Winkler (CDU) ně­hdźe 800 wopytowarjow. Dokelž je zahroda trochu­ škitana, jich tež sylny wětřik njemyleše.

Z dobrej tradiciju je, zo sadźa tón dźeń štom lěta. Lětsa je to pózdnja lipa. Tutón nadawk přewzaštaj abatisa klóštra Marijineje hwězdy Philippa Kraft a Hermann Winkler. Do toho poda Holm Karraß ze statneho­ zawoda sakski lěs zajimawe informacije k štomej a doda, zo je lipowe łopješko zdobom tež znamjo Serbow. Sadźenj­e štoma wobrubi hudźbna sku­pina KremserMugge z Połčnicy.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND