Wotbóčki a jězdnje přichodne tydźenje zdźěla zawrjene
Budyšin (SN/MWj). Štóž je časćišo na awtodróze A 4 pola Budyšina po puću, měł přichodny čas někotre změny a poćežowanja wobkedźbować. Wot póndźele, 11. julija, hač do najskerje 19. julija wostanjetej wujězd a najězd Budyšin-zapad do směra na Zhorjelc zawrjenej. Chcedźa tam jězdnju ponowić. Kaž nowinska rěčnica krajneho zarjada za dróhotwar a wobchad (LASuV) Isabel Siebert zdźěli, měli šoferojo hižo Słonoboršćansku wotbóčku wužiwać.
