W korčmach znowa livehudźba

wutora, 25. apryla 2017
artikl hódnoćić
(0 )

Kóžde lěto spočatk meje wotměwa so w Budyšinje korčmowy swjedźeń. Mjeztym zo bě to w 90tych lětach wulke zarjadowanje cyłeho města, je wone dźensa trochu mjeńše, ale jara rjane.

Budyšin (SN/MWj). Hižo 13. raz wotměje so 6. meje Budyski korčmowy swjedźeń w swojej tuchwilnej formje. Na njón přeproša towarstwo Staroměšćanska tejka, w kotrymž su gastronomojo zjednoćeni. Tónraz wobdźěli so 13 korčmow, dwě mjenje hač loni, zdźěli dźensa rěčnik towarstwa a mějićel bary „Caracas“ André Herold. Mjeztym zo so towarstwo wo wabjenje z banerami a flajerami stara, rozhladuje so kóždy wobdźěleny korčmar w swójskej režiji wo hudźbnu kapału. Paleta hudźbnych směrow saha wot popa a rocka přez folk a evergreen hač k srjedźowěkowskemu spektaklej. Wšojedne pak, kotra skupina hdźe hraje, zastup je wšudźe darmotny. Nadrobniše informacije wo skupinach su móžne pod adresu www.feiern-in-bautzen.de.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND