Třeći pospyt so poradźił

wutora, 23. meje 2017
artikl hódnoćić
(0 )
Ruth Hembitski, Marti Fischer a „chlěb Bernd“ alias Jörg Teichgräber (wotlěwa) wčera při nahrawanju  za telewizijny sćelak KIKA w Stróži Foto: Alfons Handrik Ruth Hembitski, Marti Fischer a „chlěb Bernd“ alias Jörg Teichgräber (wotlěwa) wčera při nahrawanju za telewizijny sćelak KIKA w Stróži Foto: Alfons Handrik

Stróža (aha/SN). Sta dźěći z cyłeje Němskeje su so na wubědźowanskej akciji dźěćaceho telewizijneho kanala ARD a ZDF „KIKA přińdźe k tebi“ wobdźělili, zo bychu swojich rjekow z telewizijnych programow wosobinsce zeznali. Mjez nimi­ bě dźesaćlětna Ruth Hembitski, šulerka 4. lětnika ze Stróže pola Rakec. Jeje hobbyjej stej karate a hudźba, a wězo sej tež rady dźěćace wusyłanja sćelaka KIKA wob­hlada. Pozdźišo chce so stać z policistku abo wučerku. Zhoniwši z telewizije wo cyłkownje třoch rozdźělnych wubědźowanskich akcijach wobdźěli so wona z přewšo žortnym rapom, zo by swojej woblubowanej figurje „chlěbej Berndej“ po­směwk wuwabiła. Nahrawany a wot njeje wuhotowany widejo, hdźež spěwaše, rejwaše­ a žortnje powědaše, je zapodała, a jurorojo mějachu jón za najlěpši ze wšěch. To bě tež přičina, zo stej wčera popołdnju na rjenje hladanu wulku zahrodu pola Hembitskec w Stróži redakciski team KIKA z Erfurta kaž tež kamera-team Mnichowskeho studija Bumm-film k nahrawanju přinoška přijěłoj.

wozjewjene w: Lokalka
Prošu přizjewće so, chceće-li komentar podać

nawěšk

SERBSKE NOWINY podpěruja:

fueorg misain karten sorbisch

nowostki LND