Po tym zo běchu posedźenje zhromadźizny zaměroweho zwjazka za wopłóčki Při Klóšterskej wodźe 18. februara wotprajili, su je wčera nachwatali. ­Na dnjowym porjedźe stejachu wažne rozsudy.

Porchow (AK/SN). Zaměrowy zwjazk ­za wopłóčki Při Klóšterskej wodźe (AZV) móže swoje inwesticije za lětsa wěsće planować a zwoprawdźić. Wjetšina jednotliwych přisłušnych gmejnow je hospodarskemu planej 2020 přihłosowała, a to Porchow, Pančicy-Kukow a Worklecy. Chróšćanska gmejna so hłosa wzda, Ralbicy-Róžant hłosowachu přećiwo tomu.