Kónčna faza sezony 2021/2022 DEL2 njeběše za Łužiske lodohokejowe liški runjewon jara wuspěšna. Wosebje korona je trenarja Běłeje Wody jara mjerzała. Petteri Väkiparta sam běše wjacore hry wirusa dla skomdźił, ale tež ličba Liškow je wot hry k hrě chabłała a so pomjeńšiła. Kak su wone posledni wotrězk sezony zmištrowali, wo tym rozprawja Kilian Hrjehor.
Korona dale haćaca
EC Kassel Huskies – Łužiske lodohokejowe liški 5:3 (1:0, 3:2, 1:1)
Na 49. hrajnym dnju DEL 2 běchu trenarjej Łužiskich liškow Petteri Väkiparty jeničce hišće dwaj wrotarjej a dźesać pólnych hrajerjow k dispoziciji.
Wupady korony dla njemějachu kónca, a k tomu njebě tež hišće najlěpši třělc Liškow Hunter Garlent zranjenja dla zasadźomny. W poslednjej třećinje bychu hosćo nimale hišće sensaciju docpěli, ale njemějachu dosć energije. Peter Quenneville a dwójce Roope Mäkitalo běštaj třělcaj wrotow za Běłu Wodu.
Winowatostne dobyće
Łužiske lodohokejowe liški
– Selbske wjelki 3:0 (1:0, 1:0, 1:0)