Pod nawodom trenarskeje trójki Tadeja Cyža z Njebjelčic, Křesćana Bejmaka z Pěskec a Mateja Wjeńki z Radworja je Serbska koparska wubranka młodźiny D njedawno w Ralbičanskej ćěłozwučowarni trenowała.
Dwanaće serbskich koparkow a koparjow ze sportowych jednotkow a towarstwow z Kamjenca, Biskopic, Pančic-Kukowa, Chrósćic a Ralbic bě so na iniciatiwu Serbskeho Sokoła a gmejny Ralbicy-Róžant k zhromadnemu treningej w Ralbičanskej sportowej hali zetkało. Tam přihotowachu so na turněr, kotryž chcedźa klětu w Slepom we wobłuku 750. róčnicy wobstaća wsy přewjesć.