Engelhardt sympatiju zdobył
Sensacija so nimale poradźiła
Při Sakskich wolejbulowych mišterstwach seniorow minjeny kónc tydźenja, kotrež hódnoćachu so runočasnje jako regionalne mišterstwa, su oldije starobneje klasy Ü 64 Módro-běłych Wojerecy překwapjenku snadnje zapasli. Přećiwo amtěrowacemu němskemu wicemištrej Kamjeničanskemu PSV so Wojerowčenjo dołho wobarachu. Hosćo móžachu hakle po 54 hratych mjeńšinach ze zbožownym 2:1 domojjězbu nastupić. Mužojo wokoło kapitana Reinharda Tessmanna su so chětro prócowali, na kóncu pak dyrbjachu so wot rutinowanych hosći porazyć dać. Přiwšěm pak su so za kónčne koło němskich mišterstwow w Rostocku kwalifikowali, dokelž Bayerska žane mustwo pósłać njebudźe.
Lipšćenjo mišter
Wolejbulisća starobneje klasy U 13 L.E. Volleys z Lipska su Sakske mišterstwa doma w Lipsku dobyli. Woni přesadźichu so přećiwo šěsć cyłkam. Na dalšich městnach sćěhowachu Kamjeničanski WSV, TSV Lipsk 76, VV Žitawa, mustwje VC Drježdźany a MSV Budyšin. Jurij Bjeńš
Wolejbulisća SGB w Lubiju dwójce wuspěšni
Tabulka po druhim hrajnym dnju
1. Pestalozzijowa WŠ Lubij 5 10 10:0
2. Serbski gymnazij Budyšin 5 8 8:3
3. Wyša šula Wjazońca 3 2 3:4
4. Serbska WŠ Workl./Ralbicy2 2 2:3
5. Wyša šula Malešecy 5 2 3:8
6. 5. SŠ-eks Bud./Gymn. Lubij2 0 0:4
7. Powoł. šulski centr. Budyšin 2 0 0:4
Pedagogojo-wolejbulisća Serbskeho gymnazija Budyšin (SGB) dobychu na druhim hrajnym dnju Budyskeje wučerskeje ligi wobě partiji w Lubiju z 2:0 a skrućichu tak druhe městno w tabulce wokrjesnych mišterstwow šulskeho lěta 2021/2022 při wysokim saku.
Šěsć wučerskich cyłkow bě sej minjenu srjedu do Lubija dojěło, zo by 2. hrajny dźeń mišterstwow pedagogow Budyskeho wokrjesa při wysokim saku wuhrało. Kolegojo z Wjazońcy chorosće dla wotprajichu. Zwjeselacy bě start kombinowaneho mustwa serbskeju wyšeju šulow Worklecy a Ralbicy z najmłódšej hrajerku tohole wječora Nadine Čižankec. Cyłkownje wojowachu 14 wolejbulistkow zhromadnje ze swojimi muskimi kolegami wo kóždy dypk, štož woznamjeni nowy chwalobny rekord.
Gymnastiska skupina darowała
Sokoljo dźensa w Šumbachu
Łužiske liški so w poslednim wokomiku wuchowali
Łužiske lodohokejowe liški hraja tež w hrajnej dobje 2022/2023 w DEL 2, w druhej najwyšej lodohokejowej lize Němskeje. Běłowodźenjo, kiž mějachu we hłownym kole wulke ćeže, su so hakle w běhu zestupnych hrow stopnjowali. Kilian Hrjehor je pjeć hrow w tak mjenowanych playdowns w krótkich rozprawach zjimał.
Liški zazběh dobyli
Tölzske lawy – Łužiske lodohokejowe liški 3:6 (1:2, 1:2, 1:2)
K startej playdowns topfit a jara derje nastajeni pokradnychu Łužiske liški Tölzskim lawam domjacu lěpšinu a dobychu suwerenje prěnju partiju. Přez dołhi čas běchu hosćo na běhanskim polu lěpši, w dwubojach sylniši a w defensiwje derje rjadowani. Wrota za Běłu Wodu docpěchu Eric Valentin, Hunter Garlent, Toni Ritter a troje wurjadny Bennet Roßmy. Druhi rynk běše rozsudźacy faktor Liškow a wosebje sylny, hnydom štwore wrota dźěchu na jich konto. Tak wróćichu so hrajerjo z elanom domoj.
Lawy nimale bjez zmylka
Łužiske lodohokejowe liški – Tölzske lawy 1:2 (0:0, 0:1, 1:1)
We wokrjesnej klasy, stafla 3 Zapadołužiskeho koparskeho zwjazka je ...
Nowačk z poražku a dobyćom
Wučerske wolejbulowe mustwo serbskeju šulow Ralbicy/Worklecy je so 30. měrca prěni króć na wučerskich wolejbulowych mišterstwach wobdźěliło. W Lubiju startowaše měšana šestka 2. hrajny dźeń přećiwo domjacemu cyłkej tamnišeje wyšeje šule z jasnej poražku w dwěmaj sadźbomaj (15:25, 17:25).
W druhej hrě podležachu serbske wučerki a wučerjo w prěnjej sadźbje snadnje přećiwo wyšej šuli z Malešec z 23:25. W druhej sadźbje wuhrachu sej Malešenjo předskok 10:5 přećiwo serbskemu cyłkej, po tym pak zamóchu Ralbičenjo/Worklečenjo přiběrajcy dypkować, tak zo steješe na kóncu druheje sadźby 25:17. Tuž dyrbješe rozsud w tiebreaku padnyć.
Serbska šestka hraješe koncentrowana dale a doby rozsudny třeći přechod jasnje z 15:9. W aprylu změje nowačk ligi nachwatansku hru w Budyšinje, spočatk junija wotměje so posledni hrajny dźeń wučerskich wolejbulowych mišterstwow 2021/2022. Jan Rjeda
Hłowna a wólbna zhromadźizna
Radworčanaj Ingo Adam a jeho zastupjer Nico Buša stejitaj dalše štyri lěta na čole Radworskeho sportoweho towarstwa. To je hłowna zhromadźizna minjeny pjatk rozsudźiła. Před nimaj a wšěmi druhimi 265 čłonami sportoweje jednotki leži napjate lěto. Před runje 100 lětami je so ST 1922 Radwor załožiło, štož chcedźa w běhu lěća wulce woswjećić. Na přikład hižo 2. julija z jubilejnej hru prěnjeho mustwa přećiwo BSG Chemiji Lipsk. Dalše wjerški budu spočatk awgusta koparski camp Dynama Drježdźany za dźěći, swjedźenski tydźeń spočatk septembra abo Běh na česć zbóžneho kapłana Alojsa Andrickeho 3. oktobra.
Sportnišćo a wosebje kompleks sportoweho doma „Při zelenej hałužce“ matej so lětsa tohorunja zdźěla wobšěrnje wobnowić. Za to su gmejnski zarjad a wulka ličba podpěraćelow wšu pomoc připrajili.
Wuslědki (05.04.22)
Kopańca, regionalna liga muži
Hertha BSC II – Auerbach 3:0 (1:0)
Tasmania Berlin – Berlinski AK 1:3 (1:2)
Babelsberg – Fürstenwalde 1:2 (1:1)
Luckenwalde – Rathenow 1:1 (0:0)
Lichtenberg – Borussia Berlin 0:0 (0:0)
Meuselwitz – Altglienicke 0:1 (0:0)
Kamjeničanski FC – BFC Dynamo 1:3 (0:1)
Chemija Lipsk – Carl Zeiss Jena 3:2 (1:1)
Eilenburg – Energija Choćebuz 1:1 (0:1)
Halberstadt – Lok Lipsk 2:3 (2:2)
wyša liga mužojo
Budyšin – Grimma 2:0 (1:0)
Carl Zeiss Jena II – Biskopicy 1:1 (0:0)
Kśišow – Zorbau2:0 (1:0)
Plauen – Martinrod3:0 (1:0)
Neugersdorf – A. d. Fahner Höhe 1:0 (0:0)
krajna liga
Mittweida – Markkleeberg 3:3 (1:0)
Riesa – Pirna-Copitz wupad
Radebeulski BC – Glauchau 2:0 (1:0)
FC Lipsk – Drježdźany-Strěžin 2:1 (1:0)
Taucha – Niska2:0 (1:0)
Wilsdruff – Großenhainski FV 0:1 (0:1)
Freital – Nowosólc-Hródk wupad
Markranstädt – Lößnitz 1:0 (1:0)
Rabenstein – Kamjenc wupad
Drježdź.-Lubohósć – Marienberg 3:1 (2:1)
wokrjesna liga, stafla 1
Ottendorf-Okrilla – Haselbachtal 4:0 (3:0)
HZ Huska/Hodźij – Kubšicy 1:1 (0:0)
Frankenthal – Wjernarjecywupad
Kumwałd/Schönbach – Wjelećin 1:1 (0:0)
Arnsdorfske KT – Bukecy 2:0 (1:0)
Bretnig-Hauswalde – Sepicy 1:1 (0:0)
wokrjesna liga, stafla 2
Lubuš – Wulka Dubrawa 0:0 (0:0)
Hórnikečanski jězor – Hlinowc 1:1 (0:1)
Łuty – Minakał 3:1 (2:0)
Wojer. FC II – Wósl./Sk./Kulow II3:3 (2:1)
