Ralbičance hrajetej za Saksku wubranku
Wot 28. apryla hač do 1. meje wotměje so w Lindowje, sewjernje Berlina, holči koparski turněr a runočasnje tež treningowe lěhwo Sewjerowuchodneho němskeho koparskeho zwjazka, skrótka NOFV. To rěka, zo měrja tam holcy, kiž su młódše hač 14 lět z wubrankow Sakskeje, Braniborskeje, Mecklenburgsko-Předpomorskeje, Saksko-Anhaltskeje, Durinskeje a Berlina swoje mocy. Mjez 17 hrajerkami Sakskeje wubranki stej tež dwě akterce z Ralbic. Lavinia Frenclec a Stella Pilcec. Jurij Bjeńš je so z nimaj rozmołwjał.
Witajtej! Hdźe tuchwilnje za bulom honitej?
L. Frenclec: Spočatnje hrajachmoj wězo w naju domjacym towarstwje w Ralbicach kopańcu. Potom pak změnichmoj po někotrych lětach k Biskopičanskemu koparskemu towarstwu, w kotrymž wšak maja někotre holče mustwa.
A w kotrym mustwje nětko hrajetej?
S. Pilcec: Raz tu, raz tam. W młodźinje D hrajemoj z hólcami hromadźe w krajnej klasy. A potom tež hišće w ryzy holčim mustwje młodźiny D. Hdys a hdys směmoj samo pola holčeje młodźiny B wupomhać.
Błótowski marathon přewjedli
Tež k jutram žane tři dypki w hnězdźe
Dynamo Drježdźany – Holstein Kiel 0:0
Zestawa domjacych: Broll – Ch. Löwe (85. Giorbelidze), Knipping, Sollbauer, Akoto, Will (67. Kade), Stark, Königsdörffer (85. Borello), Mai (73. Weihrauch), Diawusie (67. Schröter), Daferner
Wolejbulisća SGB z bronzu w sakskim finalu
Wolejbulisća 8. a 9. lětnika Serbskeho gymnazija Budyšin (SGB) su sej w sakskim finalu wubědźowanja „Młodźina trenuje za olympiju“ w starobnej skupinje III mjez šěsć startowacymi mustwami w Dippoldiswaldźe bronzu zawěsćili. Turněr dobył je cyłk Šulski model Kamjenica (Chemnitzer Schulmodel).
Hižo 16. raz skwalifikowa so jedne wolejbulowe mustwo Budyskeho Serbskeho gymnazija za krajne finale wurisanja „Młodźina trenuje za olympiju“. Do Budyšina wróćichu so dotal z jednej slěbornej a sydom bronzowymi medaljemi. W Dippoldiswaldźe přidruži so dalša bronza, kotraž je cyłkownu bilancu našich sportowčow a sportowcow na 20 medaljow w dotal 39. sakskich finalow zwyšiła.
Serbski gymnazij Budyšin – Susodstwowa šula Lipsk 0:2 (24:26, 12:25)
Wuslědki (26.04.22)
Kopańca, druha zwjazkowa liga
Düsseldorf – Dynamo Drježdźany 2:2 (2:0)
Karlsruhe – Ingolstadt 04 2:2 (0:1)
Schalke 04 – SV Werder Bremen1:4 (0:2)
Holstein Kiel – Heidenheim 1:1 (0:0)
Regensburg – Hamburger SV 2:4 (0:1)
FC St. Pauli – SV Darmstadt 98 1:2 (0:2)
SC Paderborn 07 – Hannover 96 3:0 (2:0)
1.FC Nürnberg – SV Sandhausen 2:4 (1:1)
Aue – Hansa Rostock 2:2 (2:1)
1. SV Werder Bremen 31 58 : 40 57
2. FC Schalke 04 31 65 : 40 56
3. SV Darmstadt 98 31 61 : 44 54
4. FC St. Pauli 31 56 : 42 53
5. Hamburger SV 31 58 : 32 51
6. 1.FC Nürnberg 31 47 : 43 50
7. SC Paderborn 07 31 54 : 41 47
8. 1. FC Heidenheim 1846 31 38 : 42 46
9. Karlsruhski SC 31 52 : 49 40
10. SSV Jahn Regensburg 31 49 : 46 39
11. F.C. Hansa Rostock 31 39 : 49 39
11. Holstein Kiel 31 39 : 49 39
13. Fortuna Düsseldorf 31 40 : 38 38
14. SV Sandhausen 31 38 : 49 38
15. Hannover 96 31 29 : 45 36
16. Dynamo Drježdźany 31 30 : 42 30
17. FC Rudne horiny Aue 31 31 : 63 23
18. FC Ingolstadt 04 31 28 : 58 20
Hotuja so na Slaviamarš po serbskich wsach
Z Hórkow do Radworja přez lěsy a pola, dohromady 50 kilometrow w běhu dwanaće hodźin – tak steji we wopisowanju zarjadowanja Slaviamarš. Pomjenowanje klinči, runje w tutych časach, chětro marcialiske. Tomu pak tak njeje, změruje sobuiniciator Matej Wjeńka: „Jedna so tu wo serbski sportowy projekt. Ideja zrodźi so po tym, zo smój so loni z Leonie Matješkec na tak mjenowanym mamutowym běhu wobdźěliłoj. Je to podobny běh, jenož zo maš při tym 100 kilometrow w běhu 24 hodźin zmištrować. A na to smy sej rjekli, zo tajke něšto tež w dwurěčnej Łužicy wuhotować chcemy.“
Dalše tři dypki za rezerwu Sokoła
HZ Mały Wosyk/Marijina Hwězda II – Sokoł Ralbicy/Hórki II 1:3 (1:2)
Zestawa domjacych: Brojer – Jehnichen, Lukas Hoga, Clausen, Čornak, Fischer (26. Al Hayali), Luis Hoga (46. Dórnik), Schneider, Mehrens (46. Cyž), K. Pakoßnick, Šołta
Zestawa hosći: Ch. Gloxyn – Bejmak, J. Bjeńš, Materne, Kobalc – M. Matka, Kocor, Jakubaš, Hrjehor (80. Brězan) – M. Kurjat, Zimmermann (46. Šołta)
Koparska rezerwa Sokoła je w tutej sezonje jenož jónu njerozsudnje hrała, zbytne hry je wona wšitke dobyła. Na tym so tež po sobotnej hrě w Małym Wosyku, kiž ma hrajne zjednoćenstwo z druhim mustwom klóšterskich bulkoparjow, ničo změniło njeje.
Ralbičenjo startowachu furioznje a hižo po někotrych sekundach nawjedowachu. Daloka a wysoka flanka škitarja Jurja Bjeńša docpě před přećiwniskej šěsnatku nadběhowarja Měrćina Kurjata. Tón kulowatu kožu z 20 metrow do wrotow zhłójčkowa, dokelž bě domjacy wrotar hižo po puću, bul wotpopadnyć. Tak skakotaše bul do prózdnych wrotow.
Widźał, słyšał, napisał (25.04.22)
Wučerska wolejbulowa liga Budyskeho wokrjesa ma nowe serbske mustwo. Koleginy a kolegojo serbskeju wyšeju šulow Worklecy a Ralbicy startowachu do dypkowych hrow a su tučasnje na 3. městnje w tabulce. Wjeselu so wosobinsce, zo je kombinowany cyłk z młodej hrajerku Nadine Čižankec hač k rutinjejej Pětrej Bejmakej tutón turněr rady přiwzał. Přeju mustwowemu nawodźe Šćěpanej Wjence a dalšim zahoritym wolejbulistam wuspěšnu sezonu, kotraž so na lětušim dnju dźěsća, 1. junija ze serbskim duelom přećiwo wučerjam Serbskeho gymnazija Budyšin (SGB) skónči. Dotal najwuspěšniši cyłk běchu wučerjo Serbskeho wučerskeho wustawa Budyšin z cyłkownje 14. wokrjesnymi titlemi a to wot 1976 do 1991. A wot 1992 do 2020 skónčichu pedagogojo SGB wubědźowanje dwanaće razow na prěnim městnje.
Sport (22.04.22)
Kopańca sobotu a njedźelu
Po koparskej přestawce zašły kónc tydźenja wróća so koparki a koparjo jutře a sobotu zaso na hrajnišća. Duel tabulkoweju susodow krajneje klasy wuhraje so sobotu w Chrósćicach mjez cyłkomaj SJ Chrósćicy a Drohotki Ramnow. Wobě mustwje stejitej w tabulce nad zestupnej smužku. Chróšćenjo maja dypk wjace na swojim konće.
23.04. 13:00 Budissa Budyšin –
FSV Martinroda
23.04. 15:00 ST 1896 Wulka Dubrawa –
SJ Chrósćicy II
23.04. 15:00 HZ Mały Wosyk/Pančicy II – Sokoł Ralbicy/Hórki II
23.04. 15:00 Módro-běli Kulow –
SC 1911 Großröhrsdorf
24.04. 13:00 Wojerowski FC II –
ST Radwor
24.04. 14:00 ST Marijina hwězda –
Natwar Němske Pazlicy
24.04. 15:00 SG Rjemjesło Raben- stein – Jednota Kamjenc
24.04. 15:00 SJ Chrósćicy –
Drohotka Ramnow
24.04. 15:00 ST Porchow –
Sokoł Ralbicy/Hórki
24.04. 13:00 SJ Njebjelčicy II –
HZ Jězorina Lubuš II/
Wětnica-Hola
24.04. 15:00 SJ Njebjelčicy – ST Lubuš
Bahne-Cup w Budyšinje
Prěnju domjacu hru přewjedli
SJ Chrósćicy II –
Rakečanske ST II 1:2 (1:1)
Zestawa domjacych: Škoda – Mark, Kola (80. Domaška), Dehn, Sćapan, R. Šołta (70. B. Donat), P. Šołta, Matješk, M. Donat, Liznar (66. Herrmann), J. Donat
Na prěnju domjacu hru po dołhej zymskej přestawce witaše rezerwa Chróšćanskeje SJ spočatk jutrownika koparjow druheho mustwa z Rakec. Hósć drje steješe na poslednim městnje w tabulce wokrjesneje ligi stafle 2, tola tónraz móžachu hosćo swoje rynki z młodymi hrajerjemi z prěnjeho mustwa napjelnić a nadźijachu so tohodla na dobry wuslědk.
