Jako šulerka abo šuler sy we wažnym dźělu towaršnosće zawjazany. Tu płaća wěste prawidła a winowatosće, kaž prawidłowne wobdźělenje na wučbje, ale tež prawa, kaž informacija wo stawje wukonow. Naša towaršnosć wobsteji z mnoho dźělnych wobłukow. Su to na přikład swójba, hospodarstwo a wědomosć. Tež sport je so jako samostatny wuwił, kotryž we wobłuku towaršnosće wěste funkcije spjelnja.
Přiběracy towaršnostny wuznam sporta pokazuje so na přikład w nowych sportowych družinach kaž tohorunja w nowych hrajnych a pohibowanskich wašnjach. K tomu słušeja wšelakore formy fitnesoweho sporta, wužiwanje pohibowanja přez parkur, ale tež digitalne pohibowanske hry kaž wirtuelny tenis. Dale a bóle su ludźo kóždeje staroby we wólnym času sportowsce aktiwni, dokelž maja wšelakore motiwacije: staturu skrućić, socialne kontakty nawjazać abo prosće so hibać.
Zajimawe je sej šulski sport wobhladać. Pod dohladom stata stejacy ma wón nadawk, wuwiće šulerjow podpěrać, zapřijimajo w samsnej měrje pohib, hru a sport.
Za domjacych zasadźeni: Schöne – Matka, Rachela, Schultz, Domaška, Wałda, Šołta, Janca, Korjeńk, Bejma, Nuk, Šewc, Šiman, Rawš, Čěsla, Kurjat, Hrjehor
Za hosći zasadźeni: Franc – Bělk, Sćapan, Wowčer, Wiedemann, Langa, Nowak, Leonhardt, Tamke, Paulick, Wels, Młynk, Korch, Prucha
Slěd wrotow: 1:0 Maik-Christoph Janca, 2:0 David Šołta, 3:0 Toni Tomaš Nuk, 4:0 Fabian Korjeńk, 5:0 Philipp Šiman, 5:1 Martin Tamke, 6:1 Pětr Domaška, 7:1 Syman Ćěsla, 8:1 Měrćin Kurjat, 9:1 Philipp Šiman
Budyšin (SN/JaW). Serbska wubranka žonow so na lětušim koparskim turněrje narodnych mjeńšin Europy w Korutanskej njewobdźěli. To zdźělištaj trenar wubranki Pětr Bejmak a mustwowa nawodnica Franciska Hellnerowa wčera čłonam přihotowanskeho wuběrka za europeadu na online-zetkanju, kaž čłon wuběrka Clemens Škoda informuje.
„Bohužel je kruh žonow, kotrež su nam jako koparki wubranki zwostali, přemałki za wobdźělenje na europeadźe. Přičiny su wšelakore“, rjekny Franciska Hellnerowa. Byrnjež rozsud so njewobdźělić ćežki był, zhladuje trenar Bejmak pozitiwnje do přichoda. „Nadźijam so, zo njedźiwajcy tuteje dźěry naše mustwo zaso rosće a zo zaručimy dale kontinuitu w serbskej žónskej kopańcy, tak zo móžemy přichodny raz zaso pódla być.“
Serbska wubranka muži pak na europeadu pojědźe. Za nju maja dosć připrajenjow koparjow a tuž dosahacy kader. „Za wšitkich wobdźělenych płaći nětko dewiza, so cyle konkretnje a z koncentraciju přihotować. A zawěsće nańdźemy puć, žony přiwšěm někak do přihotow projekta zapřijeć“, Clemens Škoda podšmórny.
Derby w Nowych Jěžercach
We wyšej lize wočakuje FC Hornja Łužica Neugersdorf jutře prěnje koparske mustwo Biskopičanskeho KT 08 na derby. Budissa Budyšin změje swobodne. Tak móhli jeje přiwisnicy do Nowych Jěžerc (Neugersdorf) jěć. W regionalnej lize-sewjerowuchod dyrbi FC Energija Choćebuz k mustwu VSG Altglienicke.
05.03. 14:00 FC Hornja Łužica
Neugersdorf
– Biskopičanske KT 08
06.03. 13:00 VSG Altglienicke
– FC Energija Choćebuz
Přihotowanske koparske hry
Ličba přihotowanskich koparskich hrow zaso přiběra, njeje dźě wjace wjele chwile hač k restartej kónc měrca. Delanscy Sokoljo hraja dźensa na přikład doma, Malešenjo nastupja jutře tohorunja doma.
04.03. 19:00 Sokoł Ralbicy/Hórki
– HZ Wóslink/Skaskow/ Kulow II
05.03. 15:00 Traktor Malešecy
– ST Rychbach
Křižowku wuhódać a trikot dobyć
Na internetowych stronach Budissy Budyšin je wot wčerawšeho štwórtka prěnja křižowka zwobraznjena. Štóž ju wuhóda, móže jedyn z dźesać trikotow dobyć.
Za hosćićela su hrali: Jan Kanngießer, Stefan Cuška, Florian Kaulfürst, Robert Krawc, Tomaš Suchy, Bosćij Benada, Mario Walter, Frank Püschel.
Na štwórtym hrajnym dnju měrjachu so wolejbulisća Sokoła Budyšin znowa z cyłkomaj w Budyskej wokrjesnej klasy stafla wuchod. Tónraz nastupichu doma přećiwo Wósporskemu TSV a Sokolnikej Wjazońca.
Sokoł Budyšin – Sokolnik Wjazońca 2:0 (25:14, 25:19)
Aktualna tabulka wokrjesneje klasy stafla wuchod – wolejbul
1. ST Wóspork/Hrodźišćo 8 14 : 3 14
2. ST Marijina hwězda 4 8 : 2 8
3. SJ Budyšin-sewjer 5 8 : 3 8
4. ST Hnašecy/Dobruša 6 7 : 6 6
5. Sokoł Budyšin 8 7 : 11 6
6. Schönbachske VV 4 4 : 6 2
7. ST Budyšin 04 III 6 3 : 10 2
8. ST Sokolnik Wjazońca 5 0 : 10 0
Wojerowski FC – SJ Chrósćicy 4:0 (1:0)
Za SJ Chrósćicy hrajachu: Králíček – Zynda, Mark, M. Zahrodnik, L. Zahrodnik, Matješk, G. Zahrodnik, Młynk, F. Zahrodnik, Bogusz, Wornar, Matik, Mützner.
Při sylnym wětřiku přewjedźechu koparjo Chróšćanskeje SJ swoju testowu hru na kumštnym trawniku we Wojerecach. Tamniše mustwo je jedyn z faworitow za postup do krajneje klasy, štož wone tež wot spočatka pokaza. Tłóčeše hosći hłuboko do swójskeje połojcy a wuhrawaše sej ze spěšnej a techniskej hru dobre šansy. Chróšćenjo špatnje startowachu a njemějachu prawu kontrolu nad hrajnym nastrojom. Prěnje dobre šansy sej tak hosćićel wuhra a docpě w 27 min. nawjedowanje. Na to so Chróšćanscy hrajerjo zhrabachu a partiju hač do połčasa dominowachu. Dobre móžnosće pak mějachu přewažnje přez standardy, wěsta dokładnosć hišće falowaše. Tež domjacy wrotar zamó někotre třělwy wotwobarać. Hosćo sej přemało zwěrichu a tak zwjetša na sebi samych zwrěšćichu. Tuž njemóžachu dobru fazu z wurunanjom krónować.