Prezidij Domowiny a zastupjerjo Serbskeho sejma so rozmołwjeli

Janšojce (SN/mb). Županojo a předsydźa čłonskich towarstwow Domowiny su tuchwilu namołwjeni, naprašnik wupjelnić. Z tym nochce zarjad Domowiny jenož wědźeć, kotry wuznam ma z jich wida zwjazkowe předsydstwo (ZP) a hač je jim wažne, zo je župa resp. nadregionalne towarstwo w tutym gremiju zastupjene. Nimo prašenja, z čim ma so ZP w přichodźe zaběrać, chce Domowina wot reprezentantow serbskich cyłkow tež zhonić, hač su zwólniwi, kandidatow za wólby ZP nawabić, kotrež so zaso klětu na hłownej zhromadźiznje wotměja.