Wot dźensnišeho maja producenća cigaretow w Němskej wostrózbjace ...
Ratarjam pomhać
NATO so powjetši
Połoženje mjeńšin rozdźělne
Wrócław (SN/MkWj). Aktualne problemy europskich narodnych mjeńšin stejachu w srjedźišću dźensnišeho druheho dnja 61. kongresa Federacije europskich narodnych mjeńšin (FUEN) we Wrócławju.
Zakład wuradźowanja bě, předstajić a rozłožić mjeńšinowy projekt Organizacije za wěstotu a zhromadne dźěło w Europje. Zamołwići běchu minjeny čas naprašniki rozesłali. W nich prošachu mjeńšiny, rysować swoje połoženje, na přikład w naležnosći swojich šulow a zarjadnišćow, kaž tež móžnosće politiskeho sobuskutkowanja.
Protesty tema w sejmomaj
Podstupim/Prožym (SN/BŠe). Braniborscy Zeleni wobaraja so wuprajenjam CDU w zwisku z protestami přećiwo wotbagrowanju brunicy na lětušim klimowym campje minjeny kónc tydźenja w Prožymje. Sobustawojo frakcijow Zelenych a Lěwicy braniborskeho krajneho sejma su protesty wobkedźbowali a spytachu ze swojej přitomnosću eskalacijam zadźěwać, rěka w zdźělence šefa Zelenych Axela Vogela. Sakscy kaž tež braniborscy křesćanscy demokraća chcedźa nětko wobdźělenje politikarjow na protestach w krajnymaj sejmomaj tematizować.
Tež iniciatiwa Přichodna generacija chce na přichodnym posedźenju Grodkowskeje měšćanskeje rady 25. meje protestne akcije zwjazka Ende Gelände rozjimać. Tak iniciatiwa politikarjam w zdźělence wumjetuje, zo njejsu so, kaž twjerdźa, na akcijach neutralnje zadźerželi, ale su aktiwnje na nich wobdźěleni byli. Jedna politikarka – zdobom sobustaw měšćanskeje rady – je na protestach jako parlamentariska wobkedźbowarka wustupowała.
To a tamne (20.05.16)
Něhdźe 1,8 kilometrow dołhu pizzu su pjekarjo z cyłeho swěta zhromadnje w južnoitalskim Neapelu napjekli a tak nowy swětowy rekord tuteje italskeje delikatesy nastajili. Dotalny su tak wo 300 metrow přetrjechili. Rěčnica agentury Guiness World Records je nowy rekord wobkrućiła.
Wowcu před zatepjenjom wuchowali su policisća w srjedźofrankskim Treuchtlingenje. Wona bě wčera z pastwy twochnyła a padny do dwaj metraj hłubokeje wody. Tam tak žałostnje bječeše, zo ju skónčnje hajnik wusłyša, a tón informowaše policiju. Ze zhromadnej mocu a z wotwlečenskim powjazom jako lasom přichwatani pomocnicy zastróžane a zymu mrějace skoćo z wody wućahnychu a dowjezechu je zaso k jeho tamnym dźewjeć přećelam na pastwu.
Kongres FUEN wotměwa so lětsa w Pólskej
Wrócław (SN/MkWj). Z pisanym programom je so wčera wječor w pólskim Wrócławju mjeztym 61. kongres Federalistiskeje unije europskich narodnych mjeńšin (FUEN) zahajił. Cyłkownje 175 wobdźělnikow ze 27 krajow, zastupowacy 54 mjeńšin, hač do soboty wo jich połoženju wuradźuje. Za Serbow staj tam mjez druhim wiceprezident FUEN a jednaćel Domowiny Bjarnat Cyž kaž tež předsyda Domowiny Dawid Statnik.
Na dźensnišim kongresowym wuradźowanju porěča mjez druhim Astrid Thors, komisarka za narodne mjeńšiny w Organizaciji za wěstotu a zhromadne dźěło Europy (OSCE). Wona skedźbni na to, zo je spomóžne zhromadne dźěło narodnych mjeńšin wažne, zo by so konfliktam zadźěwało. Ćim wažniša je sylna FUEN jako politiska organizacija mjezynarodna institucija, kotraž so za mjeńšinowe zajimy zasadźa.
Na kongresu wozjewichu tež postrow pólskeho statneho prezidenta Andrzeja Dudy, kiž dźakuje so mjeńšinam za wažny přinošk k mjezynarodnemu dorozumjenju a wujednanju ludow. Tež wyši měšćanosta delnjošleskeje metropole Rafał Dutkiewicz je so słowa jimał.
Lětadło zhubjene
Kairo (dpa/SN). Tež wjacore hodźiny po tym zo je so nad Srjedźnym morjom lětadło zhubiło, njeje hišće jasne, što je so woprawdźe stało. Mašina předewzaća Egyptair ze 66 wosobami bě so na lěće z Parisa do Kaira dźensa w 2.30 hodź. nadobo z radara zhubiła. Kaž egyptowske ministerstwo za lětarstwo zdźěla, je mašina znjezbožiła. Přičiny toho pak njejsu hišće wujasnjene. Móžny je techniski problem runje tak kaž terorowy nadpad. Wjacore łódźe a lětadła mjeztym za mašinu pytaja.
Warnuja před terorom
Berlin (dpa/SN). Zwjazkowy kriminalny zarjad (BKA) warnuje po informacijach w dźensnišim wudaću nowiny Bild móžnych terorowych nadpadow na europskich koparskich mišterstwach w Francoskej dla. Wojerskeje podpěry w boju přećiwo teroristiskej organizaciji Islamski stat w Iraku a Syriskej dla steji kraj w fokusu islamistow, rěka w rozprawje BKA. Wosebje wohroženej stej zahajenska hra mjez Francoskej a Rumunskej 10. junija kaž tež finale w stadionje Stade de France.
Manipulacije přepytować
