Wodorunje: 1 dźěl kusadła, 3 róžk stwy, 5 čěske město nad Łobjom, 7 ryba, 9 dźěl dźiwadłoweje hry, 12 Rechtschreibung serbsce, 16 socialna zawěsćernja skrótš., 17 dźěl bróžnje, 18 wolij ryby, 19 typ korejskich awtow, 20 tola

Padorunje: 1 Hosentasche serbsce, 2 ratar, 3 kaž čo. 19 wodorunje, 4 rozbuchadło skrótš., 6 pěseń, 8 ratarsko-, 10 pomocny srědk ke pačenju, 11 staw ćěła, 12 městno k wuchodźowanju, 13 podłožka sudnistwa, 14 jednotka wahi, 15 nócny ptak

Chill-out a šanson pod baštu

Budyšin. Bara „Sundowner“ pod Budyskej Röhrscheidtowej baštu je dźensa, pjatk, z hosćićelom wustupa DJja Tima. Wot 18 hodź. chce wón ludźom „wotpjaty zazběh do kónca tydźenja wobradźić“, a to z tak mjenowanymi chill-out­-beats. Jutře, sobotu, wuhotuja na samsnym městnje w samsnym času wotewrjene jewišćo. Z wosebitym hosćom budźe spěwytwórc Max Reuschel. Wobě zarjadowani stej zdarma přistupnej.

Festiwal elektroniskeje hudźby

Hórnikecy. Areal Energijoweje fabriki Hórnikecy twori wot dźensnišeho pjatka hač do slědowaceje njedźele kulisu za lětuši Lětni festiwal Stroga. Na štyrjoch jewišćach prezentuje dohromady 85 mjezynarodnych wuměłcow resp. skupinow cyły spektrum elektroniskeje rejowanskeje hudźby. Tak chcedźa mjez druhim Alec Troniq (Berlin), Youphoria (Wien) a Mila 207 (Prešov) hosći z drum’n’bass, (twjerdym) technom a tak mjenowanymi mash ups do pohiba wabić. Kónctydźenski tiket płaći 135 eurow, na dźeń žadaja sej 65 resp. 85 eurow.

Wučby wuznamneho filozofa

njedźelu hornjoserbsce

11:00 Łužica tutón tydźeń

11:20 Tematiske wusyłanje: Barba čerwjene

12:00 Nabožne wusyłanje

(Beno Jakubaš)

po tym zbožopřeća

delnjoserbsce

12:30  Aktualny magacin, mjez druhim z přinoškomaj wo počesćowanju maćernorěčnych w Groźišću a wo čaporowych drastowych wikach w Choćebuzu

13:15 Tematiske wusyłanje: Elementy w hudźbje III – wětr

13:40  Nabožne wusyłanje

(Franc Deuse)

po tym zbožopřeća

Telewizijny magacin Łužyca wobswětluje w swojim julijskim wusyłanju Europeadu 2024. Mustwo wokoło moderatora Christiana Mathéeja je turněr koparkow a koparjow, kotryž je so njedawno w Schleswigsko-Holsteinskej a Danskej wuhrał, přewodźali. Předewšěm su wubranki a fanow „tamnych mjeńšin ze serbskeje perspektiwy“ wobkedźbowało. Wosebje w fokusu steji we wobłuku wubědźowanja wuhotowany Dźeń kultury, na kotrymž „wužichu wšitke koparske cyłki, jich přiwisnicy a organizatorojo składnosć, so mjez sobu wuměnić“. Nimo toho wobhonichu so telewiznicy wo kubłanskich a kulturnych institucijach hosćićelskeho regiona „mjez morjomaj“ z třomi minoritami (Frizojo, Danojo kaž tež Sintojo a Romojo). Wotpowědne impresije a někotryžkuli „nastork snano tež za Łužicu“ přinošk skulojća.

Telewizija RBB wusyła magacin jutře, sobotu, w 13.35 hodź. a srjedu, 24. julija, w 2.55 hodź. Telewizija MDR pokaza Łužycu sobotu, 27. julija, w 11.45 hodź. W mediatece ARD je magacin wot jutřišeho cyłe lěto kóždy čas přistupny.