Z měrcowskim wudaćom telewizijneho magacina Łužyca chodźi moderator Christian Matthée w Friedlandźe pola Bezkowa po we wuchodnej Němskej jónkrótnych slědach. Tu su přez lětstotki Serbja, Židźa a Němcy měrliwje a ze wzajomnej tolerancu žiwi byli. Historikar dr. Alfred Roggan je nimale pozabytu stawiznu w lěta dołhim drobnym dźěle přeslědźił. Mjeztym zo su so serbske a židowske tradicije w Friedlandźe zhubili, pokazuje stawiznar, kak na druhich městnach předewšěm młodźi ludźo serbsku kulturu wotkrywaja, a to z „filmowej jězbu ze Žylowskeho zapusta k modernej subkulturje, kotraž so dźeń a lěpje spleće“.

Telewizja RBB wusyła Łužycu jutře, sobotu, w 13.40 hodź. Wospjetowanje na samsnym sćelaku slěduje srjedu, 22. měrca, w 3.05 hodź. Telewizija MDR pokaza magacin sobotu, 25. měrca, w 11.45 hodź. W mediatece RBB je wusyłanje wot jutřišeho přez cyłe lěto kóždy čas přistupne.

16.3. – 22.3.2023

Budyski filmowy ­palast:

Scream 6: wšědnje 19:45 | pj a so 22:30 Die Fabelmans: wšědnje 16:50 (nimo pj) | pj 17:10 65: wšědnje 20:15 (nimo srj) | pj a so 22:20 Die Frau im Nebel: pj 17:00 | pó 20:00 Shazam! Fury Of The Gods: wšědnje 17:00 a 19:30 (nimo štw) | pj, so, nj a wu 14:15 | pj a so 22:20 | štw 20:00 Sneak Preview: pó 20:00 Sonne und Beton: wšědnje 17:20 a 20:00 | pj a so 22:40 Creed III: wšědnje 20:15 | pj a so 22:50 Lucy ist jetzt Gangster: pj, so, nj a wu 14:30 | nj 12:20 Die Drei ??? – Erbe des Drachen: wšědnje 17:10 | nj 12:30 | pj, so, nj a wu 15:00 Mumien – Ein total verwickeltes Abenteuer: nj 12:00 | pj, so, nj a wu 14.15 Maurice, der Kater: nj 12:20 | pj, so, nj a wu 14:45 Der gestiefelte Kater: Der letzte Wunsch: nj 12:00 | pj, so, nj a wu 14:30 Die Schule der magischen Tiere 2: nj 12:30 | pj, so, nj a wu 15:00 Multivisionsshow ­Island: štw 19:00 Lyle – Mein Freund, das Krokodil: nj 12:10 Hui Buh und das Hexenschloss: nj 12:10 John Wick: Kapitel 4: srj 19:30 Missing: pj a so 22:20 Ein Mann Namens Otto: nj a wu 17:30 Ant-Man and the Wasp: Quantumania: wšědnje 16:50 Perfect Addiction: so, pó a srj 17:30 Magic Mike – Last Dance: pj, so, nj, wu a srj 20:00 Avatar: The Way of Water w 3 D: wšědnje 16:30 a 19:30 (nimo pó a srj) Plane: pj a so 22:30 Der Pfau: wšědnje 17:10 a 19:45 | pj, so, nj a wu 14:45 ROH Live: Turandot: srj 20:15

Wojerowski CineMotion:

Wodźenje po lěhwje za jatych

Halštrowska Hola. Hród a měšćanski muzej Wojerecy wuhotujetej zajutřišim, njedźelu, zjawne wodźenje po něhdyšim lěhwje za wójnskich jatych Elsterhorst blisko Narća. W barace bywšeho lacareta chcedźa fachowcy „zajimcam stawizny lěhwa z časa nacionalsocializma hač do jeho zawrjenja w lěće 1947 sposrědkować“. Něhdźe połdrahodźinske wodźenje započnje so w 11 hodź., popłatk wučinja pjeć eurow resp. potuńšeny tři eura. Organizatorojo proša wo přizjewjenje, a to telefonisce pod čo. 03571 20937500.

Informuja wo naslědnej energiji

Njebjelčicy. Wysoka šula Žitawa/Zhorjelc, Fraunhoferowy institut a gmejna Njebjelčicy přeproša póndźelu, 13. měrca, na informaciske zarjadowanje za wobydlerjow. We 18.30 hodź. rozjimataj referent Sakskeho statneho ministerstwa za energiju, škit klimy, wobswět a ratarstwo Dirk Schmidt a Marcel Bellmann z energijoweje agentury wokrjesa Budyšin „Studiju móžnosćow za wnučkokmane zastaranje z energiju“. Zjawna diskusija ma slědować. Něhdźe dwuhodźinske zarjadowanje wotměje so na gmejnskej žurli w Njebjelčicach.