Waršawa/London (dpa/SN). Pólska ministerska prezidentka Beata Szydło a britiska premierministerka Theresa May stej telefonisce wo poćahach wobeju krajow po brexiće rěčałoj. Tema běchu tež prawa w Jendźelskej bydlacych Polakow po wotchadźe kraja z Europskeje unije, kaž Waršawska kenclija zdźěli. Szydło bě na to pokazała, zo dyrbjał London tež po brexiće zajimy Polakow w kraju zakitować. We Wulkej Britaniskej bydli a dźěła mjeztym wjace hač poł miliona Polakow.

Předsydstwo wotprajene

London (dpa/SN). Wulka Britaniske njepřewza kaž planowane w druhej połojcy 2017 prezidentstwo rady EU. Tole je britiska premierministerka Theresa May prezidentej rady Donaldej Tuskej telefonisce připowědźiła, kaž z Londona zdźěleja. Tusk je jeje rozsud pječa witał. Předsydstwo rady EU so połlětnje měnja. Wulka Britaniska by je po planje klětu w juliju přewzać měła. Po připowědźenym brexiće pak je to ćežko předstajomne.

Nečasa wobskoržili

Braniborska ministerka za wědomosć Martina Münch (SPD, nalěwo) je dźensa zhromadnje z generalnym direktorom Załožby pruskich hrodow a parkow Hartmutom Dorgerlohom w Podstupimje zakładny kamjeń za nowe centralne składźišćo wuměłskich twórbow połožiła. Twar z 5 000 kwadratnymi metrami płoniny ma klětu hotowy być. Dotal maja sydom wšelakich składow. Foto: dpa/Wolfram Kastl

Cleveland (dpa/K/SN). Konwent republikanow je Donalda Trumpa oficialnje jako kandidata na prezidentstwo USA nominował. Z ceremonielnym wothłosowanjom nažnja politiski nowačk-miliardar dźens w nocy trěbnu wjetšinu delegatow. Zo wón jutře nominowanje přiwozmje, ma so za wěste. Z aklamaciju powoła konwent guwernera Indiany Mika Penca za wiceprezidenta. Srjedź nowembra nastupi Trump prawdźepodobnje přećiwo něhdyšej ameriskej wonkownej ministerce Hillary Clinton, kotruž konwent demokratow na nowy tydźeń zawěsće za kandidaturu znominuje. W Clevelandźe su ju republikanojo hižo jako „arcynjepřećelku“ wočornjeli.

London (dpa/K/SN). Po wotchadźe z Europskeje unije budźe Wulka Britaniska hišće wjetšu swětowopolitisku rólu hrać hač hdy prjedy. To měni jeje nowy wonkowny minister Boris Johnson. „Chcu, zo sčinimy z Wulkeje Britaniskeje hišće wu- znamniši globalny narod“, rjekny wón wčera po rozmołwje z ameriskim wonkownym ministrom Johnom Kerryjom. Wobaj wuzběhnyštaj ekskluziwnosć poćahow mjez USA a Zjednoćenym kralestwom. Němski wonkowny minister Frank-Walter Steinmeier (SPD) zwurazni po swojim zetkanju z Kerryjom wo Sy­riskej, zo haji wón z Johnsonom najebać zludanosć brexita dla profesionelny dźěłowy poměr.