Kulturna akademija hižo wuspěšna
Rogow (HA/JaW). Swoju jubilejnu 30. hłownu zhromadźiznu minjeny pjatk je Domowinska župa Delnja Łužica w Rogowje (Horno) w měšćanskim dźělu wokrjesneho města Baršć (Forst) přewjedła. To ma swoju přičinu. Domowina wšak je mnohe lěta sobu wojowała wo to, zo njebychu „stary“ Rogow wuhla dla wotbagrowali, ale bój njebě wuspěšny. Přiwšěm pak Domowinske dźěło tež w nowej wsy dale běži a třěšny zwjazk je mjez wobydlerjemi jara připóznaty.
Zapósłancaj CDU w zwjazkowym sejmje Lars Rohwer (nalěwo sedźo) a ...
Janej Nukej k 75ćinam gratulowali
Domowina skići kooperaciju
Budyšin (SN/JaW). Čłonojo prezidija Zwjazkoweho předsydstwa Domowiny su wčera zwjeseleni na wědomje brali, zo je rada Załožby za serbski lud próstwje Domowiny wo spěchowanje natwara syće za regionalnu identitu a serbsku rěč přizwoliła. To zdźěli nowinski rěčnik třěšneho zwjazka Marcel Brauman. Zdobom skedźbni wón na to, zo poskići „třěšny zwjazk wšěm dalšim próstwarjam we wobłuku spěchowanskeho programa załožby ‚Serbska rěč a kultura w strukturnej změnje‘ za projekty Swobodneho stata Sakska kooperaciju“.
Wuhódnoćił je gremij wčera zdobom pjatkownu wurjadnu hłownu zhromadźiznu w Choćebuzu a je zapodaće wobzamknjenych změnow wustawkow Drježdźanskemu zarjadniskemu sudnistwu přihotował. Dale je prezidij temy za nowelu Sakskeho serbskeho zakonja swojemu prawniskemu wuběrkej přepodał. Gremij chce so z naležnosću w juliju rozestajeć.
Kaž w zdźělence dale rěka, njeje lětuši etat za delegowanje a kulturnu wuměnu serbskich kulturnch ćělesow hišće wučerpany. „Wot nimale 20 000 smy dotal 11 800 eurow wobzamknyli.“
Starosć njetrjebawša?
Serbscy studowacy tradiciju haja
Popołdnjo zajimawe a zabawne
Mjeztym kruty wobstatk skutkowanja Domowinskeje skupiny Pančicy-Kukow je stajnje dźeń do swjedźenja Božeho spěća wulět do blišeje wokoliny. Minjeny tydźeń bě to wosebite dožiwjenje.
Pančicy-Kukow/Nowa Jaseńca (SN/MWj). Runje tak zajimawe kaž zabawne popołdnjo dožiwichu čłonojo Domowinskeje skupiny Pančicy-Kukow minjenu srjedu. Kaž stajnje dźeń do Božeho spěća podachu so na mały wulět do blišeje wokoliny. Jich cil bě drastowy fundus Moniki Cyžoweje w Nowej Jaseńcy. Mjeztym zo so horstka z kolesami přez Chrósćicy a Łusč na puć nastaji, dojědźechu sej dalši tam z awtami, zmóžnjejo tak tež staršim čłonam so na skupinskim zarjadowanju wobdźělić.
Kóždy artikl za sebje wobzamknu
Přihoty na wurjadnu hłownu zhromadźiznu Domowiny 3. junija běža, delegatne mapy su rozesłane. Přihotowany je tež naćisk nowych wustawkow, kotrež chcedźa tam wobzamknyć.
Budyšin (SN/JaW). Naćisk nowych wustawkow Domowiny je jeje předsyda Dawid Statnik Zwjazkowemu předsydstwu na posedźenju minjeny pjatk předstajił. W prezentaciji pokaza wón najhłowniše artikle, kotrež wotpohladuja změnić. Hłowna přičina za změny je, zo njebě Drježdźanske zarjadniske sudnistwo loni 12. junija na hłownej zhromadźiznje Domowiny w Slepom wobzamknjenym změnam wustawkow přizwoliło. „Tohodla smy nimale lěto na formulacijach a změnach dźěłali, kotrež sudnistwo akceptuje“, wuswětli Statnik.
„serbskiTV“ spočatne wočakowanja přetrjechił
Loni dyrbjachu hłownu a wólbnu zhromadźiznu Zwjazka serbskich wuměłcow pandemije dla wotprajić, minjenu srjedu su ju w Budyskej Röhrscheidtowej bašće přewjedli. Něhdźe 20 z dohromady 80 čłonkow a čłonow z Hornjeje a Delnjeje Łužicy je so wobdźěliło.
Budyšin (SN/CoR). Jednohłósnje su přitomni 2017 prěni raz wuzwoleneho předsydu ZSW Jana Bělka za dalše štyri lěta w zastojnstwje wobkrućili. Jemu poboku su nadal městopředsyda Bosćan Nawka, pokładnik Jan Cyž, Jěwa-Marja Čornakec a Michał Cyž kaž tež jako nowa čłonka w předsydstwje Měrka Mětowa.
W swojej rozprawje wo dźěławosći skedźbni stary a nowy předsyda mjez druhim na někotre financne njejasnosće, kotrež dyrbjachu – přewzate ze stareho wjednistwa – rozrisać. Dźensa ma towarstwo „solidnu financnu bazu jako zakład zo nowe předewzaća“, Bělk podšmórny.
Wopyt ze šwedskeje LEADERoweje kónčiny we Łužicy
Rakecy/Budyšin (SN/at). LEADERowej regionaj Hornjołužiska hola a haty (OHTL) a „Torndalen 2020“ w Šwedskej dźěłatej hromadźe. Wobě stej perifernej pomjeznej kónčinje w změnje strukturow, hdźež zdobom připóznate narodne mjeńšiny bydla. Kaž André Köhler z Rakečanskeho běrowa OHTL zdźěli, tči za kooperaciskim předewzaćom ideja, so nastupajo temowe wobłuki zhromadne žiwjenje narodnych mjeńšin, regionalne tworjenje hódnotow, ale tež w přirodnym turizmje a wo zachowanju kulturneho namrěwstwa wuměnjeć.
Wosomwosobowa delegacija Samow a dalšich wobydlerjow doliny Tornedalen wot wčerawšeho swojeho tudyšeho LEADERoweho partnera wopyta. Prěni dźeń běchu w Budyšinje po puću. Tam rozhladowachu so w Serbskim muzeju. Při wuchodźowanju po měsće pobychu mjez druhim na Mikławšku, doniž so na rozmołwu z Domowinu njepodachu.
