Pisać za lud a kaž lud – to bě Zejlerjowa dewiza
Žiwjenski skutk Łazowskeho fararja Handrija Zejlerja njezabyty wostanje. Wón hłuboko w ludźe korjeni. Z nim zahaji so serbska poezija, moderna serbska beletristika. To je prof. dr. Dietrich Šołta, bywši direktor Serbskeho instituta, sobotu na swjedźenskim zarjadowanju składnostnje 150. posmjertnin basnika we Łazowskej cyrkwi podšmórnył. Z twórbami Jana Pawoła Nagela kaž tež Handrija Zejlerja/Korle Awgusta Kocora je Serbski ludowy ansambl něhdźe połsta hosći zawjeselił.
Sorabičenjo na swojej kermušce nowačkow witali
Lipsk (JBo/SN). Serbske studentske towarstwo Sorabija Lipsk je wčera w klubowni internatneho domu při Arna Nitzschowej, w tak mjenowanej centrifuze, swoju kermušku woswjećiło. Kaž po tradiciji z wašnjom, su zdobom zaso nowačkow do swojeho cyłka přiwzali.
Lětsa běše jich cyłkownje dźesać. Mjez nimi běštaj tež stipendiatka z Pólskeje a stipendiat z Čěskeje, kotrajž wot nětčišeho semestra na Lipšćanskej uniwersiće studujetaj. Zo bychu so wšitcy nowačkojo bliže ze skutkowanjom Sorabije zeznajomili, spřihotowachu Sorabičenjo a Sorabičanki z wyšich semestrow wšelke stacije. Na nich wěnowachu so předewšěm stawiznam a skutkowanju towarstwa, kaž tež wažnosći hajenjow stykow k dalšim Lipšćanskim jědnatkowym radam. Nimo toho wuzběhnychu, kotre wažne zarjadowanja kóždeho sobustawa Sorabije w běhu lěta wočakuja. Zbližili běchu nowačkam tele informacije mjez druhim w formje wšelakich hrow, molowanskich nadawkow a kwisow.
We wólnym času za serbsku rěč a kulturu aktiwni
Na njedawnym mytowanskim zarjadowanju třěšneho zwjazka dźewjeć wosobam Čestne znamješko Domowiny spožčili
Prócowanje wo rěč a kulturu našeho ludu je aspekt, na kotryž při spožčenju Čestneho znamješka Domowiny přewšo dźiwaja. Móžnosće k tomu su wšelake, a tež perspektiwa, z kotrejež počesćeni jednaja, rozdźělniša być njemóže.
Statnik: „Čestnohamtske skutkowanje ze wšoserbskim wuznamom“
Mjena počesćenych z Mytom Domowiny kaž tež z Čestnym znamješkom Domowiny je mytowanski wuběrk Zwjazkoweho předsydstwa Domowiny w minjenych lětach stajnje bórze po swojich rozsudach wozjewił. Lětsa je zjawnosć je hakle krótko do mytowanskeho zarjadowanja zhoniła, kotrež wotmě so minjeny pjatk w Budyskim Serbskim domje. Myto Domowiny za dorost lětsa žane spožčili njejsu.
Budyšin (SN/at). Wuznamjenjenski akt krótko do róčnicy załoženja Domowiny je wuprajenje dźaka za wjelelětny wosobinski angažement w narodnym dźěle. A tón móže wjelestronski być, kaž su wobdźělnicy čestneho zarjadowanja na žurli Serbskeho domu nazhonili. „Čestnohamtske skutkowanje ze wšoserbskim wuznamom“ je lawreatam Myta Domowiny jeje předsyda Dawid Statnik wobkrućił.
Kandidatow namjetować!
Haćidle stej skónčnje přewinjenej
Dwě haćidle za postupowanje projekta „Serbski forum wědy na Lawskim arealu“ je rada Załožby za serbski lud na swojim wčera online přewjedźenym wurjadnym posedźenju wotstroniła. Radźićeljo běchu hižo njesćerpni.
Kubłanska wuprawa Budyskeje župy „Jan Arnošt Smoler“ wjedźeše ...
Wo titul „superkrala“ wojowali
Sej rěče w Europje wažili
Na iniciatiwu Europskeje rady w Strasbourgu swjeća hromadźe z Europskej komisiju wot 2001 kóžde lěto 26. septembra Europski dźeń rěčow. Tomu bě wčera ze zhromadnym zarjadowanjom tež w pólskim Wrócławju tak.
Wrócław (JBo/SN) Kompetencny a koordinaciski centrum pólšćina (KoKoPol), zwjazowanski běrow Swobodneho stata Sakskeje, Generalny konsulat Němskeje we Wrócławju kaž tež Sakski krajny zarjad za zažne kubłanje w susodnych rěčach (LaNa) su wčera wosebity dźeń w měsće nad Wódru organizowali.
Knižna premjera dokumentacije historiskich kwasow
Slepo (AK/SN) W Slepjanskej parochiji wostanu mnohostronske, jónkrótne dopomnjenki na serbske kwasy wobchowane. Wo tym swědči 150stronska fotowa dokumentacija „Schwarzweiss – Cernoběłe. Serbske swaŕby w Slepjańskej wósadźe 1902–1954“. Wona wopřijima 107 motiwow kwasnych hosćinow. Wudawaćelka je Domowinska župa „Jakub Lorenc-Zalěski“. Wo redakcionelne wobdźěłanje postarachu so Stephanie Bierholdtec, Heidemarie Richter a Wolfgang Kotisek. Dźakowano spěchowanju załožby „Doma w Slepom, Rownom, Mułkecach“ poradźi so financowanje. Nakład wučinja 300 eksemplarow. „Naš zaměr bě, z kóždeje wsy, parochije kwasne wobrazy dokumentować. To smy zdokonjeli“, wjeseleše so Stephanie Bierholdtec na wčerawšej knižnej premjerje w Slepjanskim Serbskim kulturnym centrumje (SKC). Melanie Kotisek a jeje nan Wolfgang přewodźeštaj prezentaciju na serbskich husličkach resp. huslach. Něhdźe 50 zajimcow předstajenje sćěhowaše.
