Prapremjera w klóštrje
Pančicy-Kukow. Lubowarjo duchowneje hudźby a dalši zajimcy su jutře, 12. měrca, we 18 hodź. do klóšterskeje cyrkwje w Pančicach-Kukowje na koncert přeprošeni. Tam zaklinči prapremjera „Stabat mater“ z pjera Budyskeho komponista a cyrkwinskeho hudźbnika Feliksa Brojera. Po zdaću prěni raz w hudźbnych stawiznach bu sławny tekst we wobsadce za basowe solo a husle zhudźbnjeny. Hudźić budu ansambl Chordophone z Budyšina a jako młody solist a spěwar student cyrkwinskeje hudźby Tom Kessler z Hamburga. Zastup je darmotny, při durjach budźe kolekta.
Mucica sacra w cyrkwi
Baćoń. Hudźba k póstnemu časej „Z lubosće mój Zbóžnik zemrje“ zaklinči njedźelu w 14 hodź. w Baćońskej cyrkwi. Nyšpor w rjedźe Musica sacra wuhotuja spěwni solisća a orchester SLA pod nawodom kapałneho mištra Gabriele Donà. Nimo twórbow Johanna Sebastiana Bacha a Josepha Haydna zanjesu woni tež kompozicije Jana Bulanka, Jana Pawoła Nagela a Detlefa Kobjele.
Achim Mič přednošuje
