Premjera w Dźiwadle na hrodźe

Budyšin. Jutře, 15. oktobra, w 19.30 hodź. budźe w Budyskim Dźiwadle na hrodźe premjera inscenacije „Do dźěła zdar!“. Měrana Cušcyna je wot Guntera Antraka spisanu hru přełožiła. Napjata krimijowa komedija jedna wo nižinach mandźelstwa a wo wyšinach bohatstwa. Wona je połna čorneho humora a ćěmnych potajnstwow. Dalše předstajenja su njedźelu w 17 hodź. w Radworskim hosćencu­ „Meja“, sobotu, 22. oktobra, w 19.30 hodź. na žurli Worklečanskeho hosćenca, njedźelu, 23. oktobra, w 17 hodź. w Konjecach na žurli a sobotu, 29. oktobra, w 19.30 w Lejnjanskim Kubicec hosćencu. Dźěći su zajutřišim do Radworskeho „Słodeńka“ na klankodźiwadło „Ferkel, hunčo a prosetko“ přeprošene.

Nóc zynkow we wěžach