Hodźina zymskich ptačkow

Berlin. Wot dźensnišeho hač do njedźele kaž tež wot 10. do 12. januara namołwjatej NABU a bayerski partner LBV k ličenju zymskich ptačkow. Zajimowani maja při tym jednu hodźinu ročki, sykorki, zyby, wrobliki a druhe družiny ptačkow w zahrodce, při ptačej chěži, na balkonje abo w parku ličić a do lisćny zapisać, kotraž je w syći přistupna. Zaměr akcije je zwěsćić změny hladajo na wobstatk jednotliwy ptačkow a wutwarić škitne naprawy.

Bratrowstwo swjeći

Sulšecy. Kulowske Bratrowstwo wuhotuje jutře, sobotu, swój lětny swjedźeń w Sulšečanskim Domje kultury. W 19 hodź. předstaji lajska dźiwadłowa skupina towarstwa swoju aktualnu inscenaciju „Tónraz něšto z niwowom“ z poskitkom simultaneho přełožka do němčiny. Z hru w hrě z pjera Andreasa Hecka w přełožku Rolfa Hrjehora swjeća zdobom 125. róčnicu załoženja Bratrowstwa. Po předstajenju prosy skupina Holaski na reje.

Hanka Šěrcec w fokusu